Gizartea -
Koronabirusaren semaforoa
Derio eremu gorritik atera da eta Ordizian eta Elorrion egoerak okerrera egin du
Bizkaian, Santurtzik eremu laranjatik irtetea lortu du baina Elorrio sartu egin da, kutsatze kopuruak gora egin eta gero. Gipuzkoan, berriz, Ordizia horitik kolore laranjara pasa da.
A. S. | EITB MEDIA
Arabako datuei dagokienez, ez dago udalerri gorririk, ezta laranjarik ere. Gasteiz horiz dago, Agurain eta Laudio bezala. Amurrio, berriz, berdez.
Bizkaian, Derio eremu gorritik atera eta gero, Ermua soilik dago egoerarik okerrenean.
Gune laranjan, aldiz, hauek daude: Derio, Elorrio, Gueñes, Markina-Xemein, Mungia eta Muskiz.
Horian, berriz, hauek daude: Abadiño, Abanto, Amorebieta-Etxano, Arrigorriaga, Balmaseda, Barakaldo, Basauri, Berango, Bermeo, Bilbo, Durango, Erandio, Etxebarri, Galdakao, Getxo, Gorliz, Leioa, Lekeitio, Ondarroa, Ortuella, Portugalete, Santurtzi, Sestao, Sopela, Trapagaran eta Zalla.
Gipuzkoan, gune gorrian, astinduenean, Aretxabaletak, Beasainek eta Lazkaok jarraitzen dute.
Eremu laranjan honakoak daude: Arrasate, Ordizia eta Tolosa.
Gune horian, berriz, beste hauek ditugu: Andoain,Azkoitia, Azpeitia, Bergara, Deba, Donostia, Elgoibar, Errenteria, Hernani, Hondarribia, Irun, Lasarte-Oria, Legazpi, Mutriku, Oiartzun, Oñati, Orio, Pasaia, Urnieta, Urretxu, Villabona, Zarautz, Zumaia eta Zumarraga.
Kolore berdean dauden herriak dira: Astigarraga, Lezo eta Usurbil.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
Zehazki, semaforo horrek kolore berdea, laranja, horia edo gorria erabiliz sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak honela erabiltzen dira:
