Jabier Muguruza musikari irundarrak 'Lagun batek esan dit', kaleratu berri duen diskoa, aurkeztu digu. Iñaki Irazu poetak idatzitako abestiez osatu du Muguruzak bere diskoa. Hurrengo kontzertua Donostian maiatzaren 3an emango du.

Kontxi Irizar Alan Griffin musikaria zenaren bikotekideak dioenez, Pio Barojaren inguruko doktoretza egiten ari zela Donostiara etorri zen uda igarotzera eta asko gustatu zitzaion. Irlandarekiko parekotasunak eta folkloreak harrapatu zuten. Oso irlandarra izan arren, ez zen kanpotar sentitzen.

Iban Gontal GZR musika taldeko abeslariak Getariako eta Zarauzko punk taldearen hastapenak, ibilbidea eta proiektuak azaldu dizkigu.

Maiatzean ehun urte beteko dira Nestor Basterretxea jaio zela, kantu egun berezia eskaini diote artistari. Goizean hasita kantu jiran aritu dira elkarrekin Urdaibaiko kantu-taldeak. Kalez kale, kantuz alaitu dituzte bazterrak, artistak utzitako eskulturetan geldialdiak eginez.

61 urte betetzen dituen egunean, oparia jaso beharrean, zaleei egin die oparia Fermin Muguruza musikari irundarrak. Abenduaren 20an Bilbon kontzertua emango duela iragarri du, izan ere. Kortatu eta Negu Gorriak taldeetatik hasi eta bere ibilbide osoari errepasoa egingo dio.

Abenduaren 20an kontzertu berezia eskainiko du Fermin Muguruzak Bilbon, eta oso motibatuta agertu da Kortatu, Negu Gorriak eta bere bakarkako ibilbidea errepasatzeko gau berezia antolatzearekin.

Trikitixaren tradizioa gaur egungo musikarekin korapilatu nahian dabil Josune Arakistain "Süne". "Lau korapilo" eta "Orain ari" eta "Sunday" kantak aurkeztu ditu urte amaieran aterako duen bakarkako bere lehen diskoaren aurrerapen gisa.

Sei abestiz osatutako lana da, eta horietatik bi bertsioak izango dira. Estiloari dagokionez, askotariko erritmoak nahastu dituzte, tex-mexetik hasita, reggaetoira, betiere, mezu existentzialistez beteta. Larunbatean hasiko dira diskoa aurkezten.

Apirilaren 18an eta 20an, Rudi Stephanen konposizioa taularatuko dute Bilbon, Calixto Bieito eszena zuzendari dela. Euskadiko Orkestrak jarriko du musika, Robert Treviñoren zuzendaritzapean. Bibliako lehen familiaren istorioa kontatzen du, "sexu-bulkadaren eta bizitza espiritualaren artean".

'Behin bizitzea' Maldanbera taldearekin ateratako disko berria aurkeztu digu Garik. Dioenez, aurreko lanetan baino askoz kolore biziagoak agertzen dira bertan, askatasun gehiago izan baitu. Bere hitzak, Txuma Murugarrenenak, Karmele Jaiorenak, Iñigo Astizenak eta Jon Benitorenak bildu ditu.

Maskak taldeak bere estreinako diskoa aurkeztu berri du. Behekaldean izan dira, LPan aurki daitekeen "Antzerki" zuzenean jotzen.

Organoak ezinbesteko instrumentuak dira gure herri eta hirietako elizetan. Batzuk oso zaharkituta daude, baina diru asko behar da horiek berritzeko, eta eliza askok ezin diote gastu horri aurre egin. Bergaran egunotan ari dira duela bi urte zaharberritzen hasi ziren organoa berriro muntatzen.