Gastronomia

2023ko Urrezko Gilda txapelketa irabazi du Mano Lentak jatetxeak proposamen berritzaile honekin. Gilda hau larunbat eta igande goizetan bakarrik dasta daiteke, Antton Bedmar sukaldariak azaldu digunez. Pintxoa nola egiten duen erakutsi digu.

Michelin izar berriak Atxondoko Cabo eta Txispa jatetxeentzat. 3 Michelin izarrak mantentzen dituzte Akelarre, Arzak, Azurmendi eta Martin Berasategi jatetxeek.

Oraingoan enpanada bereziak egiten ikasi dugu Liam eta Albaren laguntzarekin. Gainera jolas dibertigarri bat egin dute osagaiak lortzeko. Etxean egin nahi al duzue? Ez galdu errezeta!

Balmasedako Teike jatetxeak irabazi du II. Bizkaiko Tortilla Kopa. Guztira, lurraldeko 64 ostalaritza-establezimenduk parte hartu dute lehiaketan, baina 4 bakarrik iritsi dira San Mamesen ospatutako finalera.

Gluten gabeko zereala dugu oloa, karbohidratoetan eta zuntzetan aberatsa. Durangoko On Ekin Nutrizio zentroko Andrea Larreak hainbat errezeta proposatu dizkigu gosarirako, hamaiketakorako edota meriendarako.

Olaberriko Behieko gaztandegiko zenbait gazta aurkeztu dizkigu Judith Garziak. Dioenez, garai batean baserri guztietan egiten zen behi-gazta, baina orain hori galdu egin da eta ez dago behi-gazta era artisauan egiten duen ekoizle askorik. Beraiek 6-8 gazta mota ekologiko egiten dituzte.

Aitor Intxaurraga Laneko kooperatibako gerente eta bazkideak Gizaburuagatik kontatu digu Lea Artibaiko 14 baserritan ekoizten dituzten produktuekin kontserbak egiten dituztela, besteak beste. Sagardoa, sagar dultzea eta bestelako produktu ekologikoak saltzen dituzte, baita otzarak ere.

Donostiako San Martin merkatuan La Fabrika saltokia dute Fede Longok, Emilio Pastorek eta Laura Perez-Mallainak. Bertan, beraiek egindako pasta, saltsak eta gazta saltzen dituzte. Sorrentinoak dira beraien produktu izarra, eta nola egiten dituzten azaldu digute Fedek eta Laurak.

Arrakasta handia du txangurroz beteriko legatzak Zarauzko Aiten Etxe jatetxean. Javi Sierra sukaldariaren amonaren errezeta ei da eta Aitor Haro sukaldariak prestatu digu. Jatetxeaz gain, bertan dagoen Urbare hotela ere ezagutu dugu.

Arrasate, Oñati eta Bergara artean dago Elorregi auzoa, eta bertan topa dezakegu Sanprubusa. Jon Mugica jabeak azaldu digunez, bi urte behar izan zituzten food truck erraldoi hau martxan jartzeko. Arrakasta handia du, autobus geltokia baitago han, baita Debagoiena zeharkatzen duen bidegorria ere.

Aurreko jabearen omenez jarri zioten La Juanita izena jatetxeari, Unai Gabellanes sukaldariak azaldu digunez. Sukaldaritza tradizionala lantzen dute, batik bat. Erreboiloa eta pantxinetarekin batera, parrilan prestatu dizkigun orburuak dira jakirik arrakastatsuenak.

Babarrun gozoak egiteko aholkuak eman dizkigu Irurako Jauregiberri baserriko Mari Carmen Iradik. Bere hitzetan, buztinezko eltzeak aparteko grazia ematen dio babarrunari. Hiru orduz kozinatu ondoren, gatza amaieran gaineratu. Aza, txorizo, odolki eta Ibarrako piperrekin batera zerbitzatu.

Bilboko Bacalaos Zuluagara joan gara. Bertan, Alberto Zuluaga jabeak bakailaoa pil-pil erara egiten erakutsi digu, arin, erraz eta aholku bat edo beste opari, gainera.

San Martin merkatuko 'Arrospide Onddoak' postuan izan gara, Donostian. Bertan, Aiora Arrospiderekin bildu gara eta onddoak ondo garbitzen eta kontserbatzen erakutsi digu.

Fernandez Terreros harategiaren produktuez aritu zaigu Alfonso Fernandez, Muskiztik. Hain zuzen ere, basatxerri txerrien haragiaren nondik norakoak azaldu dizkigu, eta pieza bakoitza zertarako erabiltzen den argitu digu.

Kobika Jatetxeko Iñigo Kortabitarte ezagutu dugu Durangon. 'Sandwich Bravo' pintxoarekin irabazi zuten estetika hoberena duen pintxoaren saria patata braben nazioarteko lehiaketan. Sukaldean, pintxo hori nola prestatzen den erakutsi digute.

Maitane Cuadrarekin eta Iñigo Sánchezekin bildu gara Algortan, Mi Poke jatetxean. Pokeak, gyozak eta azukre zein gluten gabeko donutak eskaintzen dituzte. Gaurkoan, Iñigok, poke berezia nola prestatzen duten erakutsi digu.

Donostiako Altza auzoko Imanol harategiko produktuez aritu zaizkigu Ainara eta Nekane Lizarazu ahizpak. Diotenez, kalitatezko produktuak saltzen dituzte, asko beraiek landutakoak. Urdaiazpiko egosia da beraien produktu izarra. Piper beteak nola egiten dituzten erakutsi digu Nekanek.

Janire Perezekin bildu gara Gasteizko Koko Tabernan. Janirek eta bere aitak urteak daramatzate txosna batean taloak egiten, eta orain talo taberna ireki du Janirek. Sukaldean, 4 talo prestatu dizkigu: txistorra taloa, beganoa, txokolateduna eta hirugiharduna.

Jatetxeek janaria etxean prestatua ala kanpoko enpresa batek egina den esan beharko dute kartan. Kalkuluen arabera, 7.000k bakarrik egiten dute osorik etxeko sukaldaritza.

Donostiako Intza taberna bisitatu dugu Koldo Astrainekin batera. 1933an ireki zen eta ordutik familiako 4 belaunaldik egin dute bertan lan. Sukaldean, Asier Astrainek trapu zaharra platera prestatu digu, tabernako klasikoa.

Anne Otegirekin bildu gara Bizi Olan, Lazkaon. Osasuntsu bizi eta jatearen garrantzia azpimarratzen du 'Osoa Coocking'-oak, hori dela eta, afari azkar eta osasuntsu bi erakutsi dizkigu: Pita bokadiloa gaztarekin eta azenario patearekin; eta, arrautza nahasia barazki erreekin.

Joserra Mikeorekin Bildu gara Etxetxo Barazkiak-en baratzetan, Astigarragan. Luzokerraren inguruan aritu da Joserra. Barazki honen propietateen berri eman digu esaterako, baita lanketa eta bilketari buruz ere.

Añorga txikiko Arteaga Harategian bildu gara Aritz Arteagarekin. Aritzek era tradizionalean zatitzen du txahala eta hori nola egiten duen azaldu digu.

Azoka jatetxeko Aitzol Zugasti ezagutu dugu, Donostian. Espazio honetan eskuartean duten proiektua azaldu digu berak: Chef kartelera. Gainera, Bife begia nola prestatzen duten ere erakutsi digu Aitzolek.

Maitena Yarzabalekin bildu gara Pasaiako Santamaria arrandegian. Maitenak urteak daramatza arraindegian lanean, eta, oraingoan, arraina fresko dagoen edo ez jakiteko aholku batzuk eman dizkigu.

Ba al zenekien kakaoaren fruitua enborrean ateratzen dela? Oñatiko Txokolateixian, txokolatearen interpretazioa zentroan, Amaia Diaz de Monasteriok kakaoaren ezaugarriez eta txokolate mota ezberdinez hitz egin digu.

Piper txorizero korda egiteak pazientzia asko eskatzen du. Piperra batu, korda egin eta azken hori lehortzen utzi behar da. Jostorratza eskutan, kordak nola egin azaldu digu Busturiko Lurgoi baserriko Tomas Anduagak.

Donostiako San Martin azokako Abatza gazta postuan izan gara. Bertan, Ioritz Imazek gaztak nola moztu eta nola kontserbatu behar ditugun azaldu digu. 

Eneko Goiburu Segurako Ondarre gaztandegiko artzainak azaldu digunez, ohorea da Ordiziako Gazta Txapelketa irabaztea. Sei hilabetez ibiltzen da ardiak jetzi eta gazta egiten, eta lan mardula da. Saria irabazita, Gabonak bueltan gazta egiteari ilusio osoz helduko dio.

Japoniarrak euskal kultura eta gastronomia "dastatzen" ari dira Tokio erdigunean. Euskal Herriarekin duten lehen harremana izaten ari da batzuentzat.

Kuiak edo azenarioak, lastotxoak, erratzak zein baratzean erabiltzen ditugun aitzurrak... Edozer gauza musika instrumentu bihurtzeko gai da Jon Urrutia. 2017an sortu zuen Trakamatraka ekimena, musika sormena bultzatu asmoz. Erakustaldi bikaina egin dio Joseba Arguiñanori platoan bertan.

Iñaki Zendoia ezagutu dugu Orioko Bodega Katxiña Jatetxean. Euskal Herrian aurki ditzakegun arrainen arteko desberdintasunak azaldu dizkigu Iñakik, hala nola, bisigua; arrai erregea; erreboiloa; mihi-arraina; eta, itsaskabra. Gainera, bisigua parrilan prestatzeko gako batzuk ere eman dizkigu.