Iñaki Artolak 22-12 irabazi dio Iker Larrazabali Buruz Buruko txapelketako finalerdian. Horrela, Jokin Altuna egungo txapeldunaren aurka jokatuko du final handia.

Altuna III.ak 22 eta 9 irabazi dio Unai Lasori Atano III.a pilotalekuan jokatu den lehen finalerdian. Amezketarrak 15 eta 0eko partziala eginda bideratu du garaipena; Laso, berriz, txapeldunaren nagusitasunari nola aurre egin asmatu ezinda ibili da.

Lehen finalerdian, Asier Agirrek ez dio inongo aukerarik eman Joseba Aldaberi, 22-4 irabazita. Bigarrenean, Joanes Bakaikoa nagusitu zaio Iraitz Zubizarretari 22-10. Hasiera parekatua izan du partidak, baina, 11 tanto jarraian eginez, Bakaikoa aurreratu da eta finalak ez dio ihes egin.

Erkiagak eta Gorkak aise menderatu dituzte Urreisti eta Ibarluzea Iron Cupeko finalerdietan. Lehen seta lehiatuagoa izan da, baina bigarrenean Erkiaga eta Gorka jaun eta jabe izan dira eta finalerako txartela lortu dute (15-10 eta 15-5).

Helena eta Maia argi eta garbi nagusitu dira finalerdiko lehen setean, baina Elaia eta Frida suspertu egin dira eta bigarrenean buelta eman diote partidari. Behin betiko setean, Elaia eta Frida finalerako sailkatu dira (8-15, 15-10, 5-3).

Ostiralean aurkeztu dute, eta larunbatean hasiko da, Mendabian. Finala Labriten jokatuko dute, Iruñean, uztailaren 12an.

Iker Larrazabalek eta Iñaki Artolak Buruz Buruko txapelketako finalaurrekoetako bat jokatuko dute igande honetan, Gasteizko Ogeta frontoian. Material-hautaketan, pozik agertu dira.

Juaneneak, Urrizak eta Ezkurra II.ak egin zituzten, astelehenean, txapelketako hirugarren jardunaldiko hiru tantorik ikusgarrienak.

Unai Lasok eta Jokin Altunak Eskuz Banakako Pilota Txapelketako finalaurrekoa jokatuko dute larunbat honetan, Donostian, Atano III.a frontoian. Gaur hautatu dute materiala.

Josetxo Ezkurra eta Aritz Juanenea, "Erremontari" saioan, Kemen Aldabe eta Endika Barrenetxea bi jokotan mendean hartuta, sailkapeneko lehen postuan kokatu dira, zortzi puntu dituztela.

Josetxo Ezkurrak eta Aritz Juaneneak Kemen Aldabe eta Endika Barrenetxea menderatu dituzte, bi jokotan, 15-13 eta 15-12; eskuratu dituzten lau puntuak zenbatuta, Ezkurra II.a eta Juanenea "Erremontari" saioko aurreneko postuan kokatu dira.

Javi Urrizak eta Iban Larrañagak bi jokotan menderatu dituzte Beñat Segurola eta Xabi Azpiroz, 15-14 eta 15-13, eta, hala, lau puntu eskuratu dituzte, txapelketako hirugarren jardunaldian. Partidako azken tantoan, Azpirozek sake falta egin du; izan ere, lekunberriarrak bi pasa egin ditu.

Javi Urrizak eta Iban Larrañagak, "Erremontari" saioan, Beñat Segurola eta Xabi Azpiroz menderatu dituzte, bi jokotan (15-14 eta 15-13), eta, horrenbestez, lau puntu eskuratu dituzte, txapelketan. Partida amaituta, Larrañagak nabarmendu du "lan zikina" egitea egokitu zaiela, gailentzeko.

Buruzko Buruko finala jokatzeko Iñaki Artolaren ametsa inoiz baino biziago dago. Horretarako, Larrazabali irabazi beharko dio igande honetako finalaurrekoan.

Baikoko pilotariak partida bikaina jokatu eta Etxeberria aukerarik gabe utzi du. Alegiako aurrelariak Iker Larrazabal izango du aurkari datorren igandeko finalerdian.

Laia Salsamendik eta Ane Mendiburuk irabazi dute Nafarroako Irekia, finalean Amaia Aldai eta Miriam Arrillaga menderatuta (16-22). Labrit pilotalekua gainezka egon da eta norgehiagoka ikusgarria izan da.

Barandika eta Basquek bi setetan menderatu dituzte Urreisti eta Ibarluzea B multzoko lider gisa heltzeko finalerdietara. Hala, bigarren partidan nagusi izan diren Laduche eta Del Rio izango dituzte aurkari, hauek Olharan eta Lekerika garaituta heldu direlarik finalerdietara.

Peio Etxeberriak eta Iñaki Artolak asteburuko final-laurdenetako partidarako materiala aukeratu dute gaur goizean Eibarren. Biak gustura agertu dira, eta gogotsu neurketari begira.

Barrenetxea IV.ak, Ansa II.ak eta Urrizak egin zituzten, astelehenean, txapelketako bigarren jardunaldiko hiru tantorik ikusgarrienak.

Palista profesionalen eta Innpala enpresaren arteko lan-gatazkak konponbiderik gabe jarraitzen du. Palistek ELA sindikatuaren Bilboko egoitzan eskaini dute prentsaurrekoa, enpresarekin dituzten desadostasunak plazaratu dituzte, eta greba mugagabeari ekingo diotela iragarri dute.

Kemen Aldabek eta Endika Barrenetxeak lau puntu eskuratu zituzten, Urriza eta Larrañaga bi jokotan mendean hartuta, eta Imanol Ansak eta Aritz Zubirik, ordea, hiru puntu lortu zituzten, Ezkurra II.ari eta Juaneneari hiru jokotan gailenduta.

Ansa II.ak eta Zubirik, "Erremontari" saioan, garaipen oso garrantzitsua eskuratu dute, Ezkurra II.a eta Juanenea aurkari; hala, lau puntu daramatzate txapelketan, bigarren jardunaldian haien kontra ibili den bikoteak bezala.

Imanol Ansak eta Aritz Zubirik, hirugarren jokoan garaipena eskuratuta, hiru puntu lortu dituzte sailkapenerako; Josetxo Ezkurrak eta Aritz Juaneneak, ordea, bat erdietsi dute.