Itxaro Borda eta Gotzon Barandiaran idazleak parez pare aritu dira Itzalen tektonika eta Galbahea poema liburuak aurkezten, irakurtzen eta komentatzen. Susa argitaletxeak antolatuta, Garoa liburu dendan egin duten errezitala eta berbaldia jaso dugu irratsaio honetan: Poesiaz, sorkuntzaz, Euskal Herriaz... sortu dute elkarrizketa mamitsua.

Hamar urte bete dira Susa argitaletxearen Munduko Poesia Kaierak bilduma abian jarri zenetik, mundu osoko poeten lanak euskaratu eta euskal irakurleari aurkezteko asmoz sortua. Efemeridea aitzakia hartuta, Itxaro Borda, Maite Lopez Las Heras eta Garazi Ugalde itzultzaileek euskal ahotsa jarri diete bildumako emakumeen zenbait poemari, Maialen Berasategiren eta Isabel Etxeberriaren gidaritzapean.

Ez Dok Amairu taldeari lotuta sortu zen Herri Gogoa diskoetxea, 1967. urtean. Herri Gogoaren jardunak 80ko hamarkadara arte iraun zuen. Guztira, berrehundik gora disko kaleratu zituen. Disko horien artean dago ekarri dugun hau: poemak Lizardirenak dira, eta Joxean Artze da bere ahotsez errezitatzen dituena.

Bitoriano Gandiagak "Gabon dut anuntzio" deritzan liburua argitaratu zuen 1986an, Gandiagak berak idatzitako Eguberrietako olerki eta kantuez osatua. Ia 40 urte geroago, liburu txikia izanik ere, liburu handi bihurtu da. 

Eli Tolaretxipik Ilya Kaminskiren "Odesan dantzan" (Balea Zuria, 2024) euskaratu du. Oda bat da Odesa geografiko eta historikoari batetik, baina baita egilearen irudimenean ageri den Odesari ere eskainia. 'Ez erortzeko ari gara dantzan' dio bertso batek. Dantza, poetarentzat, bizitzak dakarrena jasateko eta ez erortzeko bidea da.

Manuel Rivas galiziar idazleak jaso du 2024. urteko Espainiako Letren Saria. Idazle baten obraren osotasunari egiten dio aitortza sari horrek, eta Espainiako Estatuko Kultura Ministerioak banatzen du. Epaimahaiak erabaki du Rivasi saria ematea honako arrazoi hauengatik: bere testuen kalitate narratiboagatik eta memoria historikoaren, justizia sozialaren eta galizieraren alde egiten duen defentsagatik.

Mundu osoko poesiak egin duena, emakumeen aurkako indarkeria salatzeko eta herrialde guztietan indarkeria ezabatzeko politikak eskatzeko.

Bi poeta garaikide, gaur egungo poesia protagonistak Lizardiren Baratzean. 2023ko Irun Hiriko Literatura saria jaso zuen Jon Gerediagaren Zeru-lurren liburua poema liburuak. Lan horrek irabazi du orain Euskadi Literatura saria.

Euriak egoera animiko bat islatu du poesian eta kantuan joan deneko azken mende eta erdi honetan.  XX. Mendeko Poesia Kaierak bildumaren hirugarren emanaldia aurkezteko Koldo Izagirrek eman zuen hitzaldia da 'Uraren bideak' (2001-6-15).