Gizartea -

KORONABIRUSA

Datu-basearekin izandako arazo batek 66ra igo du heriotzen kopurua Euskadin

Osakidetzak azaldu duenez, azken astean 66 pertsona hil dira EAEn covidagatik, eta ez 36, asteazkenean jakinarazi zen bezala.

Osakidetzak "eguneratu" egin du asteazkenean eskainitako hildakoen kopurua. Artxiboko: EITB MEDIA.
Zainketa intentsiboetako unitateak
Osakidetzak "eguneratu" egin du asteazkenean eskainitako hildakoen kopurua. Artxiboko: EITB MEDIA.

N. B. | EITB MEDIA

Whatsapp Facebook Twitter Telegram Email

Osakidetzak zuzendu egin du urtarrilaren 4tik 10era bitartean covid-19aren ondorioz hildako pertsonen kopurua, 66ra igo baita, joan den asteazkenean ezagutarazitako kopuruaren ia bikoitza. Eusko Jaurlaritzako Osasun Sailak jakitera eman duenez, datu basearekin izandako arazo baten ondorioz, asteazkenean emandako hildakoen kopurua "eguneratu" du.

Hala, urtarrilaren 4tik 10era bitartean, 66 pertsona hil ziren, eta ez 36, aurreko asteazkenean jakinarazi zen bezala; hau da, abenduaren 28tik urtarrilaren 3ra bitartean, aurreko astean baino bederatzi gehiago.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.
Erlazionatutako edukiak

EAEko mapa, eitb.eus-ek prestatutako grafiko batean.

Durango, gune gorrira igaro den udalerri bakarra

Bingen Zupiria Eusko Jaurlaritzako bozeramailea. Artxiboko argazkia: EFE

Jaurlaritza etxeratzeko agindua 18:00 edo 20:00etara aurreratzea aztertzen ari da

Bi pertsona, maskara soinean, kalean.

Nafarroak 226 positibo berri atzeman ditu

Modernaren txertoa.

Euskadik Osakidetzako profesionalentzako lehen txertoak jarri ditu
Hau zure interesekoa bada, baliteke beste gai hauek ere izatea
Osakidetza Bizkaia Gipuzkoa Araba Euskal Autonomia Erkidegoa Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Koronabirusa Galdakao-Usansolo Ospitalea Anbulatorioak