280 ikasgela daude bakartuta EAEko ikastetxeetan, ostegunean baino 15 gehiago

Ikasgela guztien % 1,59 daude itxita, baina oraingoz ez dago aurrez aurreko eskola jarduera etenda duen ikastetxerik.

Ikasgela bat hutsik. EiTBko bideo batetik ateratako irudia.

eitb.eus

publikatuta: 2020/09/25 12:53 (UTC+2)

azken eguneratzea: 2020/09/25 13:12 (UTC+2)

Hezkuntza Sailak Euskadiko ikastetxeetan COVID-19ak duen eraginari buruzko datuak eguneratu ditu. Aurrez aurreko eskola jarduera etenda duen ikastetxerik ez dago oraingoz, baina orotara 280 ikasgela daude itxita, 188 ikastetxetan.

2020-2021 ikasturtean, Euskal Hezkuntza Sistemak 17.554 ikasgela ditu guztira (2 urtetik unibertsitateaz kanpoko derrigorrezko hezkuntza ondoko mailetaraino), eta horien % 1,59 daude itxita.

Ostegunean, Euskal Autonomia Erkidegoan (EAE) 265 ikasgela zeuden bakartuta COVID-19aren ondorioz, asteazkenean baino hiru gutxiago.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Hau zure interesekoa bada, baliteke beste gai hauek ere izatea

Bizkaia Gipuzkoa Araba Euskal Autonomia Erkidegoa Gaixotasunak Gizartea Eguneko albisteak Albisteak Hezkuntza Osasun albisteak Umeak Koronabirusa

280 ikasgela daude bakartuta EAEko ikastetxeetan, ostegunean baino 15 gehiago

Esteka kopiatuta