Gizartea -
KORONABIRUSA
Bost positibo berri Erandiogoikoako batzokiko fokuan
Orain arte, 523 PCR proba egin dira Urdulizko Ospitalean, eta 154 Basurtuko Ospitalean. Gaur egun 257 pertsona daude aipatuta.
eitb.eus
Urdulizko Ospitalean, orain arte 523 PCR proba burutu dira Erandiogoikoa batzokiko bezeroen artean egiten ari diren baheketa lanak direla eta. Horietatik, 4 positibo izan dira. Gaur, 257 pertsonari egingo zaie proba.
Basurtuko Ospitalean orain arte 154 PCR egin dira zuzenean Erandiogoikoako fokuarekin lotuta, positibo bakar batekin. Bestalde, 111 PCR proba egin dira Fever diskotekaren fokuaren inguruan, 18 positiborekin. Gaur, fokuokin lotutako hamar bat laguni egingo zaie proba.
EAEn, 338 positibo atzeman dituzte azken 24 orduetan PCR proben bidez. Kasu berrietako 233 Bizkaian atzeman dituzte, 57 Gipuzkoan eta 44 Araban. Horrez gain, EAEtik kanpo bizi diren lau pertsonak positibo eman dute azken orduetan.
Horrez gain, gaitza atzemateko 5.617 PCR egin zituzten atzo, Osasun Sailak ohar baten bidez jakitera eman duenez.
