Ertzaintzaren eta udaltzaingoen lan eskaintzarako probak martxoaren 27an hasiko dira

Lehendabiziko azterketa 08:15ean egingo dute, Barakaldoko BECen.

Ertzaintzaren lan eskaintza publikorako azterketa bat, BECen (artxiboko irudia) — Ertzaintzaren lan eskaintza publikorako azterketa bat, BECen. EiTBren bideo batetik ateratako irudia

EITB MEDIA | AGENTZIAK

publikatuta: 2021/02/26 09:52 (UTC+1)

azken eguneratzea: 2021/02/26 10:05 (UTC+1)

Ertzaintzaren eta udaltzaingoen lan-eskaintza publiko bateratuko lehen proba martxoaren 27an egingo da Barakaldoko BECen, Eusko Jaurlaritzak gaur zabaldutako ebazpen baten arabera. Lehen azterketa 08:15ean hasiko da.

Ertzain izateko 700 lanpostu eta 18 udalerritako udaltzain izateko 51 plaza dira eskaintzen direnak. Guztira, 6.671 pertsonak eman dute izena aurtengo lan eskaintza deialdian, aurreko urtean baino % 11,4 gehiago.

Izen eman duten pertsonen % 60k 20 eta 30 urte artean dituzte eta % 24k, ostera, 30 eta 35 urte artean.

51 udaltzainen plazak ondorengo udalei dagozkie: Gasteiz eta Laudio, Araban; Bilbo, Basauri, Bermeo, Durango, Etxebarri, Getxo, Lekeitio eta Portugalete, Bizkaian eta Donostia, Azkoitia, Hondarribia, Irun, Pasaia, Tolosa, Zarautz eta Zumaia, Gipuzkoan.

Hau zure interesekoa bada, baliteke beste gai hauek ere izatea

Bilboko albisteak Donostia Ertzaintza Gaurko albisteak Bizkaia Gaurko albisteak Gipuzkoa Araba EAE albisteak Ekonomia Gaurko titularrak Gasteiz berriak Gaurko azken ordukoa

Ertzaintzaren eta udaltzaingoen lan eskaintzarako probak martxoaren 27an hasiko dira

Esteka kopiatuta