Bilera politikoak komunikabideen aurrean, gogoeta-egunean

Lehendakarigai gehienek lantaldeekin eta kolaboratzaileekin batzar politikoak egin dituzte larunbat honetan. Hitzorduetara prentsa grafikoa gonbidatu dute hausnarketa-egunean.

Mendira joateko, familiarekin jateko edo beste jarduera klasiko batzuk egiteko baliatzen dute politikariek gogoeta-eguna: kanpainan alde batera utzitako liburua irakurtzeko, zinemara joateko, musika entzuteko edo arratsaldean adiskideekin egoteko, guztia komunikabideen begiradatik urrun.

Orain jarduera horietako batzuk mantentzen dituzte, baina hautagai guztiek goizaren zati bat aprobetxatu dute kazetariekin hitzordu berri bat egiteko. Horretarako, ekitaldi politikoak edo kolaboratzaileekin batzarrak egin dituzte.

Iñigo Urkullu lehendakarigai jeltzalea Ajuria Enetik Arabako EAJren egoitzara oinez joan da, kanpainako arduradun eta boluntarioekin biltzeko, egindako lanagatik eskerrak emateko.

¿@urkulluLHK Ajuria Eneatik Landaburu Etxeraino joan da, Araban kanpaina jeltzaleko arduradun eta boluntarioekin elkartzeko, eta eskerrak eman dizkie egindako lan handiagatik.#EuskadiZutik #U12 #12J pic.twitter.com/pprB4MmeKs

— EAJ-PNV (@eajpnv) July 11, 2020

Maddalen Iriarte EH Bilduko lehendakarigaiak paseo bat eman eta kafe bat hartu du Jasone Agirre Bizkaiko zerrendaburuarekin batera Durangon (Bizkaia). Iriartek familiarekin pasako du eguna ondoren.

Koalizioak jakitera eman duenez, bi hautagaiek goiza elkartzeko aprobetxatu dute, eta “kanpainan zehar gertatutakoak elkarri kontatzeko”.

“Goierrin gertatzen ari denarekin eta COVID agerraldiarekin kezkaturik gaude. Kanpaina guztia izandakoaz gain, horrek ere egun berezia izatea egin du. Horregatik, euren burua asko zaintzeko eskatu nahi diegu herritarrei. Une oro laguntzeko prest gaude”, adierazi du Iriartek.

Aurreko egunetan egin ez ditugun gauzak egiteko eguna da gaurkoa. @AgirreGarita eta biok elkarri esan genion hausnarketa egunean gosaltzeko elkartuko ginela, eta horixe egin dugu.

Queremos decir a la ciudadanía que se cuide mucho y que reflexione bien su voto.#PREST pic.twitter.com/QW0kX62Xli

— Maddalen Iriarte Okiñena (@MaddalenIriarte) July 11, 2020

Bestalde, Miren Gorrotxategi hautagaiak eta Elkarrekin Podemos-Iuko kanpaina taldeak osteratxoa egin dute mendian, Urkiolan, Durangotik ez oso urrun.

Paseando por #Urkiola con mi compañera de candidatura @Isadecifu. Volviendo a contactar con la naturaleza después de una campaña muy intensa. pic.twitter.com/Qd7tYPcSff

— Miren Gorrotxategi (@MiGorrotxategi) July 11, 2020

Idoia Mendia sozialistak ekitaldi politiko batean parte hartu du eguerdian, Bilbon; izan ere, Harrobi plazan lehen elkarte sozialista sortu zuten duela 134 urte.

Plazan, alderdikideek, besteak beste, Patxi Lopez lehendakari eta diputatuak, Alfonso Gil Bilboko alkateordeak, Ekain Rico batzarkideak eta Begoña Gil PSE-EEko Politika Instituzional idazkariak lore eskaintza egin dute, 1886ko uztailaren 11 historikoa gogora ekartzen duen plakan.

He aprovechado esta jornada de reflexión en #Euskadi para acercarme a la plaza de la Cantera, donde un 11 de julio de 1886 una veintena de hombres y mujeres impulsaron la 1º Agrupación Socialista de #Bilbao.

¿En su recuerdo, hemos participado en una ofrenda floral. pic.twitter.com/q43ExMdQxI

— Idoia Mendia (@IdoiaMendia) July 11, 2020

Carlos Iturgaiz PP+Ciudadanos koalizioaren lehendakarigaia bere alderdiaren Getxoko egoitzara hurbildu da goizean, alderdikideekin biltzeko.

Horrela, Iturgaizek gogoeta-eguna atseden hartzeko eta senideekin egoteko aprobetxatu du, baita azken asteetan koalizioaren ikuskatzaileek eta eskudunek egindako lana eskertzeko ere. “PPren Getxoko egoitzan egin dut, karpetekin lanean ari ziren dagoeneko”, adierazi du lehendakarigaiak.

Azkenik, Joserra Becerra Equo Berdeakeko hautagaia Erriberako merkatura eta Zazpikaleetara hurbildu da hausnarketa-egunean, asteko erosketak egiteko, eta ondoren familiarekin igaroko du eguna.