Elkarrizketak

Lau urte eta gero, disko berria kaleratu du Urtz taldeak: "Esnatzean". Xabi Camarero abeslariarekin hitz egin dugu Durangoko Azokan.

Markos Gimeno artista polifazetikoa izan zen. Milaka palindromo sortu zituen, eta musikagintzan eta antzerkian ere ibili zen. Joseba Sarrionandiak Ermuko sortzaile handi horren ekarpena nabarmentzeko liburua aurkeztu du Durangoko Azokan, eta harekin izan gara.

Patxo Telleria eta Mikel Martinez aktoreek "Kortxoaren Dilema" antzezlana estreinatu berri dute. Etika, koherentzia, traizioa eta mendekua lantzen dituen komedia politikoa da, eta ezkerreko irakasle idealista bat eta haren ikasle ohi bat dira protagonistak. Mireia Gabilondok zuzendu du obra.  

Bere ibilbide literarioan zehar idatzitako hainbat testu, poema eta ipuin bildu ditu Bernardo Atxaga idazle asteasuarrak. Jendaurrean irakurritako testuak dira, eta tonu, gai eta forma ugari aurkituko ditu irakurleak lan berri honetan.

Agus Barandiaranen Korrontzi taldeak 20 urte beteko ditu 2024an, eta urteurrena ospatzeko disko berri bat grabatzen ari dira: 20 abestiz egongo da osatuta eta 20 kolaboratzaileren parte-hartzea izango du.

Udane Juaristi margolariak horma-irudiak pintatzen ditu. Kalean margotzea izugarria dela eta asko betetzen duela azpimarratu du; baina, aldi berean, lan neketsua ere badela aitortu du. Horrez gain, bere obrarik ederrenetako batzuk erakutsi dizkigu.

Kazetaria eta antzezlea da Andoni Mutiloa. 'Esnatu Naiz' bere lehen kabaretarekin ibilbidea egin eta gero, obra berria du esku artean: 'Sex Sua'. Horren guztiaren inguruan hitz egitera etorri da.

Blues kantari handi bat da 'Noa & The Hell Drinkers' taldeko Noa. Europako Blues Txapelketa irabazi berritan etorri da gurera. Gainera, hirugarren diskoa laster aterako dute eta horri buruz ere aritu gara.

Kazetaria, komunikatzailea, magoa eta aktorea da Eleder Iglesias. Alain gisa ezagutzen dugu "Goazen" telesailean eta horri buruz hitz egingo dugu, beste lan guzien artean.

Aiora Sedano eta Aitor Fenandino antzezleak izan ditugu gurekin "Obsoletus" izeneko komedia aurkezten. Komeriak eta komedia aurki daitezke obra horretan eta xehetasun gehiago eman dizkigute. (Elkarrizketa osoa Nahieran)

"Nor da Maurizia?" Maurizia Aldeiturriaga Zabala panderojole ezagunaren obran eta biografian oinarritutako ikuskizun pedagogiko multi-diziplinarra da. Lanaren gidoilaria eta antzezle nagusia, Itxaso Paya, Josebarekin kozinatzen izan da, eta ikuskizunaren nondik-norakoak azaldu dizkigu.

Bakarrizketa berria estreinatu du Jon Plazaola aktoreak. Proiektuaren inguruko xehetasunak kontatzeaz gain, emanaldiak nolakoak izaten diren ere azaldu digu.

Musak taldeko Joanes Iñurrieta eta Ruben Irigoien gonbidatu ditu Joseba Arguiñanok kozinatzera. Musak taldearen musikaz eta letrez hitz egin dute, besteak beste.

'Kanpora sartzen' antzezlanarekin lanean ari da Xabin Fernandez herriz herri. Hamar urtez isilik izan du seropositiboa dela, eta gaiaren inguruko hausnarketa planteatu nahi izan du proiektu honekin.

Zortzi urteko etenaren ostean, "Baiona zikina" hirugarren diskoa kaleratu du Kua na Motor, hardcore eta punk nahasketa lantzen duen talde lapurtarrak. Ozen abestutako kantuek, minutu erdikoak, bata bestearen atzetik osatzen dute lana. Mattin Ihidope, taldeko kidea, "Hitzokei" saioan izan da.

"Abundance", maitasun erromantikoaren kontzeptua ezbaian jartzen du Osa+Mujikaren ikuskizun berriak. Bost interpretez osaturiko obrak, hainbat galdera planteatzen dizkio ikusleari: nolakoa litzateke mundua monogamiatik at? Jaiotz Osa, dantzaria, eta Xabi Mujika, eszenografoa, "Hitzokei"n izan dira.

Seiurte taldeko Iokin Elortza eta Iñaki Elortza anaiak Berrizko bandak izandako ibilbide luzearen inguruan aritu dira Josebarekin. Besteak beste,  kaleratutako azkenengo bideokliparen, 20. urteurrenean ateratako singlearen edo taldearen izenaren jatorriaren inguruan hitz egin dute.

Bost istoriok osatzen dute Aintzane Usandizagaren "Zomorrotu", ipuin eta nobelaren artean kokatzen den lana. Besteak beste, liburuan, izan nahiko genukeenaren eta garenaren arteko talka aztertzen du. Izan ere, elkarrizketen bidez, pertsonaia beraren ikuspegi desberdina eskaintzen du.

Gaur estreinatuko da zinema-aretoetan "A los libros y a las mujeres canto", Maria Elorzaren lehen film luzea. Amari liburuen apalategia gainera erori zitzaioneko pasartearekin hasten da lana. "Hil dezakete liburuek ala bizitzen laguntzen dute?" galdetzen du Mariak. Zuzendaria "Hitzokei"n izan da.

Iratxe Retolaza eta Mariluz Esteban gonbidatu ditugu "Hitzokei"ra, Udako Euskal Unibertsitatearen 50. urteurrena dela eta kaleratutako "Urratuen Arrastoan' liburuaz hitz egiteko. Hainbat idazlek hartu dute parte proiektuan: Mariluz Estebanek, esaterako, olerki bat idatzi du.

"Hazia" musikala Jose Maria Arizmendiarrietaren bizitza eta lana azaltzen dituen ikuskizuna da. Arrasateko kooperatiben eredua sortu eta zabaldu zuen Arizmendiarrieta abadeak, giza balioen eskutik beti ere. Gontzal Mendibil, "Hazia" musikalaren zuzendaria eta gidoilaria, "Hitzokei" saioan izan da.

Betitxe Saitua goi joskina da, eta antzerkirako zein operarako sortzen ditu diseinuak. "Hitzokei" saioan azaldu duenez, ezinbestekoa da jantziek zuzendariak zabaldu nahi duen mezuarekin bat egitea, jantzia pertsonaia osatzeko eta sortzeko oso garrantzitsua baita.

Bihar estreinatuko da zinema-aretoetan "20.000 especies de abejas", Estibaliz Urresolaren lehen film luzea. Ume protagonistarenaz baino gehiago inguruko guztien trantsizioaz ari da pelikula. Izan ere, filmak transexualitatea ez ezik, hamaika gai lantzen dituela adierazi du Urresolak "Hitzokei"n.

"Identitarteak" 25. urteurrena ospatzeko Gilkitxaro taldeak aukeratutako lana da. Galder Perezek, Ane Zabalak eta Aitor Garcia de Vicuñak osatzen dute Gilkitxaro, eta "izan ala ez izan" antzerkiko dilemarik ezagunenari umorez heltzen diote hirurek. "Hitzokei" saioan izan dira hiru lagunak.

Beñat Garaiok Euskarazko tesien Koldo Mitxelena saria jaso berri du. Eskolako eragileen euskararekiko jarrera eta ahozkotasunerako gaitasuna neurtu ditu tesian. Besteak beste, D ereduak egungo molde eta parametroetara egokitu beharra duela, baina funtzionatzen duela azpimarratu du Garaiok.

Aitor Urkizak eta Iker Alvarezek osatzen dute Harribitxi taldea. "Deiadar", hamar piezaz osatutako lana da, eta musika tradizionalaren funtsetan oinarritutako sormen berriko obrak dira. "Hitzokei" saioan diskoari izena ematen dio "Deiadar" pieza jo dute zuzenean.

Mugikorrak eskaintzen dizkien edukietan harrapatuta, gazteenek irakurtzeari erabat uzteko arriskuaz ohartarazi dute aditu askok. Gurean, neska-mutilak liburuetara hurbiltzeko programak 25 urte bete ditu. Idazleak eskoletara joaten dira.

Hainbat urtez Nøgen talde ospetsuko abeslaria izan ostean, 2022. urtean bakarkako ibilbideari ekin zion Eider Saezek, "Elkarrekin gaudenean" kantarekin. "Loratzen" da bere lehen diskoa, eta euskarazko eta gaztelaniazko kantak bildu ditu bertan. Ikus ezazu elkarrizketaren zati bat. (Osorik, Nahieran)

'Irati' pelikulako zuzendaria elkarrizketatuko du Eider Perezek larunbat honetako saioan, denboraldiko azken "Hitzetik Hortzera"n. Horrez gain, Zornotzako eta Biriatuko bertso-saioen berri ere emango dute.

'Lurraz beste' lana zortzi ipuinez osatutako bilduma da, Garazi Arrula idazlearekin izan gara solasean "Hitzokei"n.