Sozialistek txalo artean hartu dute Eneko Andueza lehendakarigaia. Bilera EAJrekin izango dituzten negoziaketak prestatzeko era baliatu dute.

EAJk PSE-EErekin duen gobernu akordioa berritzearen aldeko apustua egiten du. Andoni Ortuzar presidentearen ustez, bi alderdiek gobernu programa komuna negoziatu behar dute orain, eta geroago hitz egingo dute karguen banaketaz.

EAJren zuzendaritzak bilera bat egin du, Imanol Pradales lehendakarigaiarekin batera, apirilaren 21eko hauteskundeetako emaitzak aztertzeko.

Arnaldo Otegi EH Bilduko koordinatzaile nagusiak uste du ziklo politiko berri bati hasiera eman diotela azken hauteskundeek, eta gobernantza eredu berri bati irekiera eman behar zaiola aldarrikatu du.

Bi alderdiek berdindu egin dute 27na eserlekurekin, baina EAJk babes handiagoa jaso du EAEn botoetan. Lurralde historikoei dagokienez, Bizkaian jeltzaleek jarraitzen dute lehen indar gisa, eta EH Bildu Araban eta Gipuzkoan izan da nagusi.

PSNren idazkari nagusi gisa egindako adierazpenetan, Chivitek esan du hauteskundeen emaitzak biztanleriaren "kezka eta lehentasunen" isla direla, eta tartean ez dago "agenda subiranista". Horren ustez, hurrengo Jaurlaritzak ere horiek izan beharko lituzke abiapuntu. 

Lander Martinez Sumar Mugimenduko buruak adierazi du Podemoseko bozkak ere ordezkatu nahi dituztela Eusko Legebiltzarrean. 

Hauteskundeen biharamunean nola sentitzen den galdetuta, Iñigo Urkulluk esan du "barne bake handia" duela. Lehendakariak ez ditu atzoko hauteskundeetako emaitzak baloratu nahi izan. "Agintaldia bukatzean zentratuta nago", adierazi du.

Apirilaren 21eko bozek inoizko Legebiltzarrik abertzaleena utzi dute, EH Bildu maximo historikoetan dagoela eta ezker konfederala ia desagertuta.

EAJk eta PSE-EEk eutsi ahalko liokete egungo koalizio gobernuari apirilaren 21eko hauteskundeen ostean; izan ere, jeltzaleek eta sozialistek 39 legebiltzarkide batuko lituzkete, eta 38 behar dira gehiengo osoa izateko. 

EAJk eta EH Bilduk 27na eserleku eskuratu dituzte Eusko Legebiltzarrerako hauteskundeetan, baina alderdi jeltzalea izan da bozkatuena, 29.000 botoko eta 2,64 puntuko aldearekin. Koalizio subiranistak, bere aldetik, emaitza historikoak lortu ditu, lehen aldiz 300.000 botoen langa gaindituta.

Sumarrek lortu egin du Eusko Legebiltzarrean sartzea. Araban erdietsi du ordezkaria, eta, horrenbestez, Alba Garcia lehendakarigaiak (Bizkaiko zerrendaburu zen) ez du parlamentari akta lortu. Entzun itzazu Alba Garcia hautagaiaren hitzak.

Amaia Martinezek eskerrak eman dizkie VOX bozkatu duten 21.000 euskal herritarrei eta Eusko Legebiltzarrean euren ahotsa eramateko lan egingo dutela esan du.

Javier de Andres hautagai popularrak Imanol Pradales jeltzaleari deitu dio, akordioa eskaintzeko, betiere "hitzartutako mugen barruan" eta edozein apurketa geldiarazteko.

Pello Otxandianok ziurtatu du emaitza historiko hauek mapa politikoa aldatu dutela, eta, beraz, aro berri batean gaudela.

PSE-EEk 12 legebiltzarkide lortu ditu (+2). Horrela, EAJk eta PSE-EEk eutsi ahalko liokete egungo koalizio gobernuari. Izan ere, jeltzaleek eta sozialistek 54 legebiltzarkide batuko lituzkete, eta gehiengo osoa 38koa da. Entzun itzazu Eneko Andueza hautagaiaren hitzak.

Arnaldo Otegi EH Bilduko koordinatzaile nagusiak azpimarratu du bere koalizioa indar abertzale bozkatuena dela Euskal Herri osoan, eta Gipuzkoan, Araban eta Gasteizen. Atzerritarren botoei esker 28. eserlekua lortzeko aukera zabalik utzi du.