Datorren astean hasiko dira 65-69 urtekoak txertatzen Nafarroan

Datu epidemiologikoei erreparatuz gero, "egonkortze hauskor batetik gertu" daudela esan du Santos Indurain Osasun kontseilariak.

EITB MEDIA | AGENTZIAK

publikatuta: 2021/04/28 13:43 (UTC+2)

azken eguneratzea: 2021/04/28 14:15 (UTC+2)

Santos Indurain Osasun kontseilariak iragarri duenez, datorren astean hasiko dira Nafarroan 65 eta 69 urte bitarteko pertsonak txertatzen. Gainera, datu epidemiologikoei erreparatuz gero, "egonkortze hauskor batetik gertu" daudela esan du.

Foru Erkidegoak 153 kasu berri atzeman ditu azken orduetan, aurreko egunean baino 23 gehiago, eta positibotasun tasa % 5,2koa da.

"Txertoaren eragina nabaritzen hasi da. Hazkundea (kutsatzeen kopurua) motelagoa da, baina oso modu leunean", esan du Indurainek prentsaurreko batean.

Kontseilariak emandako datuen arabera, Foru Erkidegoan 14 eguneko intzidentzia-tasa metatua 363 kasukoa da 100.000 biztanleko; beraz, oraindik ere egoera "oso delikatua" eta arriskua "oso handia" dela azpimarratu du.

Hau zure interesekoa bada, baliteke beste gai hauek ere izatea

Iruñeko albisteak Gaurko albisteak Nafarroan Gaixotasunak argazkiak Gizartea albisteak Gaurko titularrak Gaurko azken orduko albistea Zientzia Osasunari buruzko albisteak Sendagileen albisteak Erizaintza gaur Sendagaiak albisteak Txertoak egutegia Nafarroako Ospitale Gunea albisteak Koronabirusaren Eris aldaera gaur Osasunbidea gaur

Datorren astean hasiko dira 65-69 urtekoak txertatzen Nafarroan

Esteka kopiatuta