Arabako Foru Aldundiak martxoaren 20an itzuliko ditu lehen sektoreak aurreratutako BEZaren 10 milioi euro

Ramiro Gonzalez Arabako ahaldun nagusiak jakitera eman duenez, Arabako Foru Aldundiak lehen sektoreak 2023an aurreratutako BEZaren 10,6 milioi euro itzuliko ditu martxoaren 20an.

Joan den astean, lehen sektorearen protesten erdian, Aldundiak konpromisoa hartu zuen UAGA nekazarien sindikatuarekin BEZaren itzulketa arintzeko, lurraldeko nekazari eta abeltzainen erreklamazio nagusietako bat baitzen.

Oraingoz, itzulketaren aurrerapena urte honetara mugatuko da. Nekazariek BEZa hurrengo urteetara itzultzeko akordio hau luzatzea eskatzen dute. "Ezin dira gu isiltzeko neurriak izan, ezta urte horretara mugatu, baizik eta datozen urteetan mantendu behar dira", aldarrikatu zuten duela astebete.