Greba eguna dute gaur ITPko eta Aernnovako langileek

ITPko beharginek elkarretaratzea egingo dute Sestaon, Barakaldoko lantegitik bertara manifestazioan joan ondoren. Aernnovaren kasuan, protesta karabana egingo dute Miñaoko lantegitik abiatuta.

Aernnovako langileen elkarretaratzea, Berantevillako lantegiaren atarian. Argazkia: @LABsindikatua

AGENTZIAK | ERREDAKZIOA

publikatuta: 2020/12/14 07:49 (UTC+1)

azken eguneratzea: 2020/12/14 09:29 (UTC+1)

Lan arloan, mobilizazio eguna dute gaur aeronautika sektoreko ITP eta Aernnova lantegietako beharginek.

Aernnovako langileek kontzentrazioa egin dute 07:30ean Miñaoko lantegian, eta protesta karabana egingo dute bertatik Gasteizera.

Gaurkoaren ondotik, beste hiru lanuzte egingo dituzte abenduaren 16an, 17an eta 18an. Hain zuzen ere, hilaren 18an amaituko da (luzatzen ez bada behintzat) aldi baterako enplegu erregulazioko espedientea negoziatzeko kontsulta epea.

Zuzendaritzak Berantevillako 101 langilerentzat (langileen laurdena ia) aldi baterako enplegu erregulazioko espedientea aurkeztu zuenetik hainbat mobilizazio antolatu ditu enpresa batzordeak.

Barakaldoko eta Sestaoko ITPko langileek zortzi orduko lanuzteak egiten jarraituko dute ostegunean horiei ekin ondoren, enpresak egin asmo dituen 136 kaleratzeen aurka. Elkarretaratzea egingo dute 12:30ean, Sestaon, Barakaldoko lantegitik bertara manifestazioan joan ondoren.

Hau zure interesekoa bada, baliteke beste gai hauek ere izatea

Sestao Azken ordukoa Bizkaia Araba Barakaldo Grebak albisteak EAE Lana albisteak Ekonomia albisteak Prentsa digitalaren azken orduko Gaurko azken orduko albistea Lan gatazkak albisteak gaur

Greba eguna dute gaur ITPko eta Aernnovako langileek

Esteka kopiatuta