Ekonomia -
EAEko itunpeko Hezkuntza
Itunpeko ikastetxeetako gurasoek negoziazioa eskatu diete patronalari eta sindikatuei
Sindikatuek beste hamar greba egun deitu ostean, gurasoen elkarteek mugak zehazteko eskatu diete patronalei eta sindikatuei, eta negoziatu dezaten. Eusko Jaurlaritzari inplikatzeko eskatu diote.
Agentziak | Erredakzioa
Bizkaiko itunpeko ikastetxeetako irakasleen gurasoen hogeita hamar bat elkartek mugak zehazteko eskatu diete patronalari eta sindikatuei, akordio baten bidean negoziatzen hasteko.
ELA, Steilas, CCOO, LAB eta UGT sindikatuek beste hamar greba egun deitu dituzte gizarte ekimeneko EAEko itunpeko ikastetxeetan, martxoan, apirilean eta maiatzean zehar, hitzarmen bat sinatzeko eskatzeko.
9.000 bat langilek behar egiten duten eta 100.000 ikasle inguru ikasten duten 215 ikastetxetan dago deituta greba. Ikaste honetan hamalau egunetan egin dituzte lanuzteak, eta aurrekoan, beste hiru.
Lanuzte berrien aurrean, Bizkaiko gurasoen 29 elkartek seme-alaben hezkuntzarako eskubidea urratzen ari dela salatu dute gurasoek, eta Batxilergoko bigarren mailakoek "etorkizuna jokoan" dutela, unibertsitatean sartzeko azterketa modu egokian ezin prestatuta.
Patronalari negoziatzeko daukan tarte ekonomikoa "argi eta garbi" azaltzeko eskatu diote familiek, eta sindikatuei, "behingoz beren marra gorriak zeintzuk diren ezartzeko", bi aldeek muga horien barruan akordio bat hitzartu ahal izateko.
Hezkuntza sailburu Cristina Uriarteri ere gatazkaren konponbidean "inplikatzeko" eskatu diote, eta ez dezala Lan sailera desbiderat, beren seme-alaben "hezkuntza" baitago jokoan.
Astelehenean bilduko dira Bilbon familiak, mobilizazio berriak adosteko.
