Ekonomia -
KONTSUMORAKO PREZIOEN INDIZEA
Prezioak % 0,4 jaitsi dira EAEn eta % 0,7 Nafarroan, martxoan
Estatistika Institutu Nazionalak zabaldutako datuen arabera, erregaien merkatzeak eragin du, batez ere, Kontsumorako Prezioen Indizearen jaitsiera.
AGENTZIAK | ERREDAKZIOA
Prezioek beheranzko bidean jarraitzen dute Euskal Autonomia Erkidegoan; martxoan, 2016an bigarren hilabetez jarraian, merkatu egin dira prezioak, % 0,4. Iazko datuekin alderatuta, baina, % 0,7 egin dute gora.
Espainiako Estatistika Institutu Nazionalak gaur zabaldutako datuen arabera, Kontsumorako Prezioen Indizea (KPI), urtebeteko tasa kontuan hartuta, hamarren bat igo da EAEn. Otsailean, % 0,5 jaitsi ziren prezioak.
Batez ere, erregaien merkatzeak eragin du Kontsumorako Prezioen Indizearen jaitsiera. Elikagaien eta alkoholik gabeko edarien merkatzeak ere eragin du beherakada.
Espainiako Estatuan, berriz, prezioen jaitsiera % 0,8koa izan da; aurreko hilabetean izandako berbera.
Nafarroa
Nafarroan ere, KPIa jaitsi egin da martxoan, % 0,7. Gainerako erkidegoetan bezala, erregaien prezioen merkatzeak eragin du, hein handi batean, prezio jaitsiera Foru Erkidegoan.
