Gizartea -
Bizkaia
Sutea izan da bart Lekeition eta pertsona bat artatu dute kea arnasteagatik
Suhiltzaileek erreskatatu dute etxebizitzan zegoen pertsona, eta hospitalean artatu behar izan dute kea arnasteagatik. Laguntzen saiatu den beste pertsona bat larrialdi zerbitzuen esku geratu da.
eitb media
Sutea izan da bart Lekeitioko (Bizkaia) etxebizitza batean eta pertsona bat ospitalera eraman behar izan dute kea arnasteagatik, Bizkaiko suhiltzaileek jakitera eman dutenez.
Gainera, sutea piztu denean etxebizitzaren barruan zegoen pertsonari laguntzen saiatu den herritar bat artatu behar izan dute larrialdi zerbitzuek.
Ertzaintzak 02:40 aldera izan du alde zaharreko eraikinean piztu den sutearen berri, eta oraindik ikertzen ari dira gertatutakoa.