Gizartea -
FESTAK
97 ontzik hartuko dute parte gaur Lekeitioko Antzar Egunean
San Antolin jaietako hitzordurik garrantzitsuena da antzara-jokoa. Urtero bezala, jendetza batzea espero da.
AGENTZIAK | EITB MEDIA
Antzar Eguna ospatuko dute gaur Lekeition, San Antolin jaietako ekitaldi ezagunena. Orotara, 97 ontzik hartuko dute parte jokoan, eta gomazko antzarak erabiliko dituzte aurten ere.
Eguraldia lagun, milaka lagun bilduko dira Lekeitioko portuaren inguruetan ikuskizunaz gozatzeko. Lehiakideek ontzitik uretara salto egin eta soka batetik zintzilik dagoen antzarari lepoa ahalik eta azkarren moztea da helburua.
Tradizio handia du Antzar Egunak Lekeition, 350 urte baino gehiagoko historia dokumentatua du. Egun portuko uretan egiten bada ere, 1722ra arte herriko plazan egiten zen.
Udalak jakitera eman duenez, herrigunea itxita egongo da ibilgailuentzat ia egun osoan, baina Bizkaibusek Lekeitiorako joan-etorriak areagotuko ditu gaur.
Jarrai ezazu festa, gaur, ETB1 eta eitb.eus-en, 15:50etik aurrera.