Gizartea -

Genero-indarkeria

Indarkeria matxistak hiru emakume hil ditu 24 ordutan Espainiako Estatuan

Lehen hildakoa 27 urteko emakume bat da; senarrak lepoa moztu zion astelehenean, Almerian. Gaur beste bi emakume hil dituzte bikotekideek: 32 urteko bat Kordoban eta 91 urteko bat Tenerifen.

Pozoblanco (Kordoba). Argazkia: EFE
Pozoblanco (Kordoba). Argazkia: EFE
Pozoblanco (Kordoba). Argazkia: EFE

Agentziak | EITB Media

Whatsapp Facebook Twitter Telegram Email

Gutxienez hiru emakume hil dituzte bikotekideek edo bikotekide ohiek azken 24 orduetan Espainiako Estatuan. Krimen matxistak direla baieztatuz gero, genero-indarkeriaren ondorioz hildakoen kopurua 35era igoko da 2023an (1.219ra 2003tik).

Lehen hildakoa 27 urteko emakume bat da; senarrak lepoa moztu zion astelehenean, Almerian. Biktimak alaba bat eta bi seme adingabe zituen. Beraz, genero-indarkeriaren ondorioz umezurtz geratu diren adingabeen kopurua 36ra igo da 2023an eta 413ra 2013tik, Berdintasun Ministerioak krimen matxista dela baieztatu ondoren.

Gaur beste bi emakume hil dituzte bikotekideek: 32 urteko bat Pozoblancon (Kordoba) eta 91 urteko bat Valle Guerran (Tenerife).

Bi krimen horiek ez dituzte oraindik baieztatu genero-indarkeria kasu gisa, Berdintasun Ministerioa datuak biltzen ari baita. Hala ere, indarkeria matxistaren biktimen kopurua hirura igoko litzateke abuztuan, eta bederatzi hilketa izan dira uztailean.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

 

Hau zure interesekoa bada, baliteke beste gai hauek ere izatea
Andaluzia Indarkeria matxista Espainia Gizartea Indarkeria matxistaren biktimak Eguneko albisteak Albisteak Matxismoa Kanariak

Informazio gehiago