Gizartea -

Trafikoa

Arratsalde zaila A-8an, 10 kilometro artekoko auto-ilara luzeekin, Santanderrerako noranzkoan

Gainera, lau pertsona zauritu dira Barakaldon, Santanderrerako noranzkoan, zazpi ibilgailuk talka eginda. Istripua 15:00etan gertatu da, N-637 errepidean.

Zirkulazio geldoa A-8 autobian, Santanderreko noranzkoan. Argazkia: Trafiko Zuzendaritza
Zirkulazio geldoa A-8 autobian, Santanderreko noranzkoan. Argazkia: Trafiko Zuzendaritza
Zirkulazio geldoa A-8 autobian, Santanderreko noranzkoan. Argazkia: Trafiko Zuzendaritza

Agentziak | EITB Media

Whatsapp Facebook Twitter Telegram Email

A-8 autobian 10 kilometroko auto-ilarak izan dira Muskizen (Bizkaia), Santanderrerako noranzkoan, Ertzaintzako iturriek jakitera eman dutenez.

Auto-ilarak 15:00etan hasi dira gaur, Bizkaitik Kantabriako udalerrietara doazen ibilgailuen zirkulazio handiagatik. 18:30 aldera, ibilgailuak arinago hasi dira zirkulatzen.

Zazpi ibilgailuren arteko talka, Barakaldon

Gainera, lau pertsona zauritu dira Barakaldon (Bizkaia), Santanderrerako noranzkoan, zazpi ibilgailuk talka eginda. Segurtasun Sailak jakinarazi duenez, istripua 15:00etan gertatu da N-637 errepidean.

Zazpi ibilgailuk talka egin dute eta bidaiarietako lauk zauriak izan dituzte. Ondorioz, Gurutzetako Ospitalera eraman behar izan dituzte. Bost eta sei kilometro arteko auto-ilarak sortu dira Artatza eta Txorierriko Korridorearen artean, Deriora arte.

17:00etan, errei guztiak ireki dituzte berriro.

 

Hau zure interesekoa bada, baliteke beste gai hauek ere izatea
Trafiko Istripuak Trafikoa Bizkaia Euskal Autonomia Erkidegoa Hondartzak Gizartea Eguneko albisteak Albisteak A-8 Autobidea Oporrak Uda