Gizartea -
Koronabirusa
Covid pasaportearen deskargak 10 aldiz biderkatu dira EAEn
Orain arte, 1 170 000 osasun pasaporte jaitsi dituzte herritarrek Euskadin.
EITB Media
Osasun pasaportearen deskargak 10 aldiz biderkatu dira azken bi egunetan Euskadin. Hain zuzen ere, orain arte egunean 2.000 agiri deskargatzen ziren, eta orain 22.000 dira.
Osasun Sailak jakinarazi duenez, guztira 1.170.000 pasaporte jaitsi dituzte EAEn.
Atzo, Eusko Jaurlaritzak iragarri zuen baimena eskatuko diola EAEko Auzitegi Nagusiari covid pasaportea ezartzeko. Gaueko aisialdiko establezimenduetan, kontzertu-aretoetan edo 50 lagunetik gorako edukiera duten ostalaritza-establezimenduetan egin nahi du Gobernuak derrigor.
