Pertsona bat hil da Nafarroan, azken urtebetean kasu gutxien hauteman diren egunean

10 kasu baino ez dituzte hauteman Nafarroan azken orduetan; larunbatean baino 18 kasu gutxiago dira eta iazko uztailetik hona erregistratutako kopururik txikiena.

Nafarroako ospitale bateko pasilloa. Argazkia: EITB

I. R. | EITB MEDIA

publikatuta: 2021/09/20 08:05 (UTC+2)

azken eguneratzea: 2021/09/20 13:30 (UTC+2)

Egun gazi-gozoa Nafarroan pandemiari dagokionez, pertsona bat hil baita azken orduetan koronabirusak jota, hain zuzen ere, 2020ko uztailetik kasu gutxien hauteman diren egunean. Nafarroako Foru Erkidegoan, 10 kasu baino ez dira zenbatu azken 24 orduetan, larunbatean baino 18 gutxiago.

Atzo egin ziren 770 probetatik % 1,3 izan ziren positiboak.

Iruñean eta Atarrabian atzeman dituzte kutsatze gehien, bina kasurekin.

Covid-19a duten 48 gaixo daude erietxean, eta horietako 12 ZIUn daude.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Iruñea Nafarroa Tutera Gaixotasunak Gizartea Eguneko albisteak Burlata Albisteak Nafarroako Gobernua Osasun albisteak Altsasu Sendagaiak Txertoak Barañain Nafarroako Ospitale Gunea Koronabirusa Osasunbidea

Pertsona bat hil da Nafarroan, azken urtebetean kasu gutxien hauteman diren egunean

Esteka kopiatuta