EAEn elurragatik ezarritako abisu horia bertan behera geratu da

Elurragatik asteazken honetan, abenduak 9, indarrean zegoen abisu horia bertan behera geratu da.

Opakua mendatea itxita dago kamioientzat eta ibilgailu artikulatuentzat, elurra eta izotza direla eta. Autoek, berriz, kateak edo neguko pneumatikoak eraman behar dituzte, Eusko Jaurlaritzako Trafiko Zuzendaritzaren datuen arabera.

Halaber, Legutio eta Durango arteko A-623 errepidean eta Arabako Altube, Azazeta, Gasteiz, Gatzaga, Herrera, Kruzeta eta Zaldiaran mendateetan arreta handiz ibiltzea gomendatzen dute.