Ekonomia -

Barne Produktu Gordina

EAEko ekonomia % 1,8 hazi da azken hiruhilekoan, iragarritakoa baino bi hamarren gehiago

Zerbitzuek eta Eraikuntzak izan dute bilakaera onena, % 2,2 eta % 1,5 igota; Industriak hazkunde apala izan du (% 0,7). Enplegu datuak positiboak dira, iazko epe berarekin alderatuta, % 1,6 hazi baita, eta 15.795 lanpostu sortu.

Zerbitzuen sektoreak % 2,2ko hazkundea izan du azken hiruhilekoan. EFE
Zerbitzari bat, terraza bateko mahaia batzen.
Zerbitzuen sektoreak % 2,2ko hazkundea izan du azken hiruhilekoan. EFE

EITB MEDIA

Whatsapp Facebook Twitter Telegram Email

Euskal Autonomia Erkidegoko (EAE) Barne Produktu Gordinak (BPG) % 1,8 egin du gora hirugarren hiruhilekoan, iazko epe berarekin alderatuta.

Behin betiko datuok urrian egindako estimazioak bi hamarren hobetu dituzte. Izan ere, Eustatek % 1,6ko hazkundea iragarri zuen. 

Aurreko hiruhilekoarekin erkatuta, aldiz, txikiagoa da igoera, % 0,5ekoa. 

Sektoreka, Zerbitzuak eta Eraikuntza hazi dira gehien, urte arteko tasan % 2,2ko eta % 1,5eko igoerak erregistratuta, hurrenez hurren. Industria sektoreak apenas egin du gora (% 0,7ko hazkundea). Ifrentzuan, behera egin du Lehen Sektoreak (% 1,3). 

Enpleguari dagokionez, bilakaera ona izan du, eta iazko hirugarren hiruhilekoan baino % 1,6 gehiago hazi da. Guztira, 15.795 lanpostu garbi gehiago sortu dira urteko azken txanpa honetan. Urriko estimazioak berretsi dituzte datuok. 

Hau zure interesekoa bada, baliteke beste gai hauek ere izatea
Euskal Autonomia Erkidegoa Lana Ekonomia Eguneko albisteak Albisteak Nekazaritza Industria Eustat BPGd