Ekonomia -
Lan-gatazka
Bilbobuseko langileek apirilaren 9tik aurrera greba mugagabea egingo dute
Hitzarmena 2021ean iraungi zen, eta ordutik soldata izoztuta dute. Martxoan, Bilbobusen egun osoko greba egingo da hilaren 18an, 20an, 25ean eta 27an.
EITB Media
Bilbobuseko langileek 24 orduko greba mugagabea egitea onartu dute batzarrean, astelehenetik ostiralera, apirilaren 9tik aurrera, hitzarmena berritzea eskatzeko, enpresa-batzordeko iturriek jakitera eman dutenez.
Era berean, gaur egungo protesta-dinamika kontuan hartuta, martxoko egutegian egun osoko greba egingo dute hilaren 18an, 20an, 25ean eta 27an.
Bilboko Udalaren udal-autobus zerbitzuaren enpresa emakidaduneko beharginen hitzarmena 2021ean iraungi zen, eta urte horretatik aurrera soldata izoztuta dute.
Gaur egindako kontsultan, langileek egunean lau orduko edo 24 orduko greba mugagabea egitea erabaki behar zuten.
Azkenean, 230 langilek 24 orduko lanuztearen aldeko apustua egin dute, eta 173k, berriz, lau orduko greba mugagabea. Boto zuri bat eta hiru baliogabe egon dira.