Euskaltelek irabaziak murriztu ditu eta Jazzteleko kontseilari ohia fitxatu du

Euskaltel Taldeak 171,7 milioi euro irabazi ditu 2019ko urtarrila eta martxoa bitartean, iazko epe berean baino % 2,78 gutxiago.

Taldea agiri batean jakinarazi duenez, aurten zabalkunde geografikoaren egitasmoan lanean ari dira "konpainiari balio erantsia emateko eta akziodunei dirua itzultzeko".

Aurtengo aurreikuspen ekonomikoen arabera, 30.000 bezero berri eta 10 milioi euroko diru-sarrerak izango dituzte, bost merkatura (Nafarroa, Leon, Kantabria, Errioxa eta Katalunia) zabalkundea abiatu ostean.

Halaber, Mediamarkt enpresarekin sinatutako akordioari esker lortuko dituen bezeroak ere kontuan izan beharko dituztela gaineratu du konpainiak.

Bestalde, Euskaltelek jakinarazi du Jose Miguel Garcia sartuko dela bere Administrazio Kontseiluan Zegonako ordezkari gisa. Robert W. Samuelsonek utzitako tokia hartuko du, hain zuzen ere.

Garcia Jazztel telekomunikazio enpresako kontseilari delegatua izan zen 2006tik 2015era bitartean. Aurrez, Cable & Wireless konpainian aritu zen.

Horrenbestez, Garcia Zegonaren ordezkaria izango da Euskalteko Administrazio Kontseiluan. Zegonak Euskaltelen akzioen % 21 eskuratu du oraintsu.