Athleticek geldiezin jarraitzen du (2-0)

Athletic 2-0 gailendu zaio Vila-reali San Mamesen, EA Sports Ligako 16. jardunalduko partidan. Aitor Paredes eta Iñaki Williams izan dira neurketako golegileak. Emaitza horri esker, zuri-gorriek Txapeldunen Ligako postuetan jarraitzen dute.

Partidako lehen gola Aitor Paredesek egin du, 14. minutuan, Iñigo Ruiz de Galarretak ateratako korner bat area txikitik errematatuz.

20. minutuan, aldiz, Garcia Verdura epaileak baliorik gabe utzi du Pape Gueyek egindako gola, VOR aretotik jasotako informazioari jarraituta, jokalari senegaldarra jokoz kanpo zegoelako.

Bigarren gola atsedenaldiaren ostean egin dute lehoiek; Iñaki Williamsek sartu du, Oihan Sanceten pase bikaina jasota.

Emaitza honi esker, Athleticek Txapeldunen Ligako postuetan jarraitzen du. Zuri-gorriek bolada onean daude, urriaren 6an Gironan jokatu zutenetik ez baitute norgehiagokarik galdu.

Fitxa teknikoa:

2 - Athletic: Agirrezabala; De Marcos, Vivian, Paredes, Yuri; Galarreta (Vesga, 85. min), Prados (Jauregizar, 68. min); Iñaki Williams (Nico Serrano, 85. min), Sancet, Berenguer (Nico Williams, 60. min); eta Guruzeta (Unai Gomez, 68. min).

0 - Vila-real: Diego Conde (Luiz Junior, 73. min); Kiko Femenía, Albiol, Costa, Bernat; Yeremy Pino (Denis Suarez, 75. min), Parejo (Ayoze, 46. min), Comesaña, Alex Baena; Pape Gueye eta Barry (Gerard Moreno, 46. min; Cabanes, m.93).

Golak: 1-0, 14. min: Paredes. 2-0, 69. min: Iñaki Williams.

Epailea: Victor Garcia Verdura (Kataluniako Batzordekoa). Txartel horia atera die Athleticeko Sanceti (55. min) eta Pradosi (67. min) eta Vila-realeko Comesañari (25. min).