Sivera Gasteizko ospitale batera eraman dute, buruan kolpe gogorra hartu baitu

Antonio Sivera Alaveseko atezaina Gasteizko ospitale batera eraman dute, Ayoze Perez Vila-realeko jokalariarekin talka eginda konorterik gabe geratu baita.

Gasteizko klubak prentsa-ohar baten bidez jakinarazi duenez, Siverak "azterketa mediko gehiago egingo ditu bere egoera ebaluatzeko".

Bi jokalariek elkarrekin egin dute talka, eta atezaina konorterik gabe geratu da. Bi taldeetako medikuek eta larrialdi zerbitzuek artatu dute, eta Mendizorrotza isilik geratu da hamar minutuz, artatzen izan diren bitartean.

Sivera berdegunean bertan etorri da bere onera, eta bere kabuz irten da zelaitik, Vila-realen eraso bat areaz kanpo eskuarekin mozteagatik txartel gorria erakutsi baitio epaileak.

Atezainari ebakuntza egin diote arratsaldean, beheko ezpaina berregiteko. Klubak jakinarazi duenez, jokalaria ospitaleratuta egongo da gaur gauean, eta "ziurrenik bihar jasoko du alta".