Ahal Dugu parlamentarien elkarte gisa eratzea onartu du Nafarroako Parlamentuak

Horrenbestez, alderdi moreak talde mistoa utziko du, eta Izquierda-Ezkerra bakarrik geratuko da talde horretan.

Nafarroako Parlamentuko Mahaiko kideak, aurreko bilera batean. Argazkia: EFE

AGENTZIAK | ERREDAKZIOA

azken eguneratzea: 2019/07/01 13:34 (UTC+2)

Nafarroako Parlamentuko Mahaiak Podemos-Ahal Dugu foru parlamentarien elkarte gisa eratzea onartu du gaur goizean. Ondorioz, alderdi moreak Talde Mistoa utziko du, eta Izquierda-Ezkerra bakarrik geratuko da talde horretan.

Gaurko bozketan, PSNko, Geroa Baiko eta EH Bilduko ordezkariek alde bozkatu dute eta Navarra Sumakoek, ostera, kontra. Aldez aurretik, txosten juridiko batek aukera hori babestu du.

Ondorioz, Nafarroako Parlamentuan lau talde parlamentario (Navarra Suma, PSN, Geroa Bai eta EH Bildu), parlamentarien elkarte bat (Podemos-Ahal Dugu) eta talde mistoa (Izquierda-Ezkerra) izango dira hasi berri den legegintzaldian.

Mikel Buil Podemos-Ahal Duguren bozeramaileak hedabideen aurrean egindako adierazpenetan azpimarratu duenez, parlamentarien elkartea osatzea "oinarrizkoa da gure boto-emaileen ordezkari gisa lan ona egiteko".

Hau zure interesekoa bada, baliteke beste gai hauek ere izatea

Politika PSN Albisteak Geroa Bai Gaurko albisteak Nafarroan EH Bildu Bizkaia Izquierda-Ezkerrari buruzko albisteak Eguneko albisteak Albisteak Nafarroako Parlamentuko albisteak Podemos Ahal Dugu Nafarroa Navarra +

Ahal Dugu parlamentarien elkarte gisa eratzea onartu du Nafarroako Parlamentuak

Esteka kopiatuta