Poliziaren indarkeriaren aurkako lapiko jotzeak egin dituzte Euskal Herrian

Euskal Herriko hiri zein herrietan, protesta zaratatsuak egin dituzte, "poliziaren indarkeriaren aurka" eta "demokraziaren alde", eta Kataluniari elkartasuna erakusteko.

Poliziaren indarkeriaren kontrako kazolakadak egin dituzte Euskal Herrian — Poliziaren indarkeria salatzeko lapiko jotzeak egin dituzte Euskal Herrian

Eitb.eus

azken eguneratzea: 2019/02/25 14:54 (UTC+1)

Igande gauean Euskal Herriko herri guztietan antolatu dituzten lapiko-protestetan parte hartzeko mezuak zabaldu dira sare sozialen bidez. "Espainiar bortizkeriaren, errepresioaren eta inposizioaren aurka" deitu dituzte protestak, eta Kataluniari elkartasuna erakusteko, independentziari buruzko erreferenduma galarazteko asmoz egindako karga polizialetan ehunka pertsona zauritu baitira, horietako batzuk larri.

Euskal Herriko hiri zein herrietan "poliziaren indarkeriaren aurka" eta "demokraziaren alde" elkartu diren pertsona gehienek taldeka zeharkatu dituzte kale nagusiak, "Madrilen eta mundu osoan entzun dezaten".

22:00etan hasi dira lapikoak joz zarata egiten. Bilbon, Gasteizen eta Donostian ez ezik, Euskal Herriko herri txikiagoetan ere egin dira; Eibarren, Bergaran, Portugaleten, Leioan eta Ondarroan, besteak beste.

Hau zure interesekoa bada, baliteke beste gai hauek ere izatea

Katalunia Gaurko albisteak Bizkaia Gipuzkoa Araba Kataluniako erreferenduma gaur Euskal Autonomia Erkidegoa Gaurko azken ordukoa Kataluniako prozesua zuzenean

Poliziaren indarkeriaren aurkako lapiko jotzeak egin dituzte Euskal Herrian

Esteka kopiatuta