Gurtel auziko inputatu bat hilik aurkitu dute Bilboko hotel batean

Maria del Mar Rodriguez Alonso MR enpresako administratzailea da hildakoa. Fiskaltzak hiru delitu egotzi zizkion.

Carlton hotela, Bilbo — Gurtel kasuan auzipetutako emakume bat hilik agertu da Bilbon

Erredakzioa

publikatuta: 2015/01/21 06:57 (UTC+1)

azken eguneratzea: 2021/06/10 10:17 (UTC+2)

Gurtel auziko inputatuetako bat, Maria del Mar Rodriguez Alonso, hilik topatu dute, Bilboko hotel batean. Hurrengo orduetan egingo diote autopsia, heriotzaren kausa argitzeko. Alabaina, Euskadi Irratiak azaldu duenez, emakumeak bere buruaz beste egin izana da Ertzaintzaren hipotesi nagusia.

Rodriguez Alonso MR enpresako administratzaile bakarra zen, eta Pablo Ruz Auzitegi Nazionaleko epaileak iazko azaroaren 26an kaleratutako auto batean inputatu zuen. Ustelkeriaren aurkako Fiskaltzak hiru delitu egotzi zizkion: prebarikazioa, merkataritza agiriak faltsutzea eta diru publikoa bidegabe erabiltzea.

Hildakoa Tomas Burgos Beteta PPk Senatuan duen bozeramaile laguntzailearen emaztea zen.

Hau zure interesekoa bada, baliteke beste gai hauek ere izatea

Berriak Politika Bilboko albisteak Bizkaiko albisteak Euskal Autonomia Erkidegoa albisteak Ustezko ustelkeria politikoa albisteak Ustelkeriaren mapa Albisteak Gaur Gaurko azken ordukoa Ostatuei buruzko albisteak

Gurtel auziko inputatu bat hilik aurkitu dute Bilboko hotel batean

Esteka kopiatuta