Mundua -
Artemis misioak
NASAk Ilargira itzuliko diren lehen lau astronautak aurkeztu ditu
Artemis II misioaren jaurtiketa 2024rako dago aurreikusita, Bill Nelson NASAko administratzaileak baieztatu duenez. Lehen aldiz, emakume bat eta gizon beltz bat izango ditu tripulazioak.
Agentziak | EITB Media
NASAk Artemis misioak egingo dituzten lehen lau astronautak aurkeztu ditu, tartean emakume bat eta gizon beltz bat. Ilargira itzultzeko asmoa du agentziak, Apollo misioak egin zituztenetik 50 urte igaro direnean.
Artemis II misioaren jaurtiketa 2024rako dago aurreikusita, Bill Nelson NASAko administratzaileak Houstongo Johnson Zentroan egindako ekitaldi batean baieztatu duenez.
Gregory R. Wiseman (komandantea), Victor J. Glover afroamerikarra (pilotua), eta Christina Koch (NASA) eta Jeremy Hansen (CSAko astronauta) misio adituak izango dira misioan, esatubatuarrak denak.
Misioa 10 egun inguru luzatuko da, eta Orion ontziaren bizi euskarriko sistemak probatuko ditu, ESAren zerbitzu moduluarekin batera, espazio sakonean bizitzeko eta lan egiteko gaitasunak eta teknikak erakusteko, gizakiek egin ahal izateko moduan, NASAk jakinarazi duenez.
Artemis II delakoa Artemis I hegaldi proba arrakastatsuan oinarritzen da. Proba horrek tripulaziorik gabeko Orion ontzi bat jaurti zuen, SLS kohetearen gainean, Ilargitik 2,25 milioi kilometro harago doan bidaia batean, astronautak sistemetan Ilargiaren azalera doan misio batean sartu aurretik sistemak probatzeko.