Emakume bat erreskatatu dute helikopteroz Ernion, zorabio bat jasan ostean

67 urteko emakume bat erreskatatu dute gaur eguerdian Ernio mendian (Errezil), ondoezik jarri ostean.

11:45 aldera laguntza eskaera dei bat jaso dute larrialdi zerbitzuetan, emakume bat zorabiatu dela abisu emanez, Segurtasun Sailetik eitb.eus-i jakitera eman diotenez.

Helikopteroz iritsi dira emakumea zegoen tokiraino erreskate taldeak eta handik Zumarragako futbol zelaira eraman dute. Anbulantzia bat zegoen bertan zain, emakumea Zumarragako Ospitalera eramateko.

Urola eta Oriako suhiltzaileek eta Ertzaintzako mendi eta erreskate taldeetako agenteek parte hartu dute operatiboan.