Gizartea -

Istripua

Kamioilari bat zauritu da Urretxun, Urola ibaira erorita

GI-631 errepidea itxita egon da ia egun osoan bi noranzkoetan. Arratsalde erdian lortu dute kamioia ibaitik ateratzea.

Kamioi bat Urola ibaira erori da Urretxun
Kamioi bat Urola ibaira erori da Urretxun
Kamioi bat Urola ibaira erori da Urretxun

EITB MEDIA

Whatsapp Facebook Twitter Telegram Email

Istripu larria gertatu da 11:50 aldera GI-631 errepidean, Urretxu parean, Zumarragarako noranzkoan. Kamioi bat bidetik atera eta Urola ibaira erori da, Trafiko Zuzendaritzak eitb.eus-i jakinarazi dionez.

Barruan bi pertsona zihoazen, eta horietako batek bere kabuz irtetea lortu badu ere, bigarren bidaiaria ibilgailu barruan geratu da harrapatuta. Denbora gutxian, baina, handik ateratzea lortu dute suhiltzaileek, eta zauri arinak baino ez zituela zehaztu du aipatu iturriak.

Harik eta kamioia ibaitik ateratzea lortu duten arte (arratsalde erdian), errepidea itxita egon da bi noranzkoetan.

Hau zure interesekoa bada, baliteke beste gai hauek ere izatea
Trafiko Istripuak errepideetan Gizartea Eguneko albisteak Zumarraga argazkiak Eguneko albisteak Urretxu azken ordukoa Goierri eskualdea