Gizartea -
DROGA TRAFIKOA
11 pertsona ikerketapean jarri dituzte Bizkaian, mezulari enpresen bitartez droga jasotzeagatik
Guztira, 6,5 kilo droga antzeman dituzte: kalamu kukuluak eta cannabidiol substantzia (CBD).
EITB Media
Bizkaiko Guardia Zibila 11 pertsona ikertzen ari da mezulari enpresen bitartez bidalitako paketeetan kalamu kukuluak edota cannabidiol substantziak (CBD) jaso dituztelako. Horiei guztiei eta droga trafikoari lotuta, osasun publikoaren aurkako delitua leporatu diete.
Guardia Zibilak ohar batean jakinarazi duenez, mezulari enpresek bidalitako paketeak aztertzen dituzte kontrabandoa eta legez kanpoko trafikoa saihesteko.
Azterketa horietako batean, agenteak konturatu ziren hamaika paketetan kolore berdeko substantzia bat (kalamua) edota CBD substantzia zegoela, eta atzerritik edo beste autonomia erkidego batzuetatik bidalitakoak zirela.
Ondoren, Guardia Zibilak "bidalketa kontrolatuak" egitea agindu zien agintari judizialei hartzaileak identifikatzeko helburuarekin. Droga zigilatutako paketeetan bidaltzen zuten.
Guztira, 6,5 kilo droga antzeman dituzte, tartean, kalamu kukuluak edota cannabidiol substantzia (CBD).
Polizia operazioak zabalik jarraitzen du eta kasua guardiako epaitegien esku dago.