Gizartea -

KORONABIRUSA

Pandemiak utziko dituen ondorio psikologikoez ohartarazi du Arartekoak

Manu Lezertuak azaldu duenez, pandemiaren ondorioz "pertsona askoren oreka emozionalak eta bizipenak oso kaltetuta daude".

Jendea Gasteizen. Argazkia: EFE.
Jendea Gasteizen
Jendea Gasteizen. Argazkia: EFE.

N. B. | EITB MEDIA

Whatsapp Facebook Twitter Telegram Email

Manu Lezertua arartekoak kezka agertu du pandemiak utziko dituen ondorio psikologikoengatik eta krisiak orain "tentsioan" dauden gizarte eta osasun zerbitzuetan izango duen eraginagatik.

Lezertuak 2020ari dagokion erakundearen memoria eman du astearte honetan Legebiltzarrean, eta prentsaurrekoan azaldu duenez, pandemiaren ondorioz "pertsona askoren oreka emozionalak eta bizipenak oso kaltetuta daude".

"Pandemiak gizarte jipoitua utziko du, asko sufritu duena, ziurtasunik eta erreferenterik gabekoa", azaldu du arartekoak, eta ohartarazi du egoera hori "dagoeneko" ikusten ari dela osasun mentalaren sarean eskari handiagoa baitago eta "psikologoen kontsultak gainezka" baitaude.

Pandemiaren beste ondorio bat gizarte eta osasun zerbitzuetan duen eragina da, "ongizaterako funtsezkoak direlako, baina funtzionamendua tentsionatuta ikusi dute", esan du.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
Hau zure interesekoa bada, baliteke beste gai hauek ere izatea
Osakidetza Euskal Autonomia Erkidegoa Arartekoa Gaixotasunak Gizartea Eguneko albisteak Albisteak Osasun albisteak gaur Koronabirusa