Ia 30.000 txerto iritsi dira EAEra astelehen honetan, tartean AstraZenecaren lehenak

Hain zuzen ere, AstraZenecaren 9.100 dosi jaso dira, Pfizerren 16.380 eta Modernaren 4.300.

AstraZenecaren lehen 9.100 txertoak iritsi dira Euskadira astelehen honetan — Euskadik jaso ditu Oxford-AstraZenecaren txertoaren aurreneko dosiak

EITB MEDIA

publikatuta: 2021/02/08 15:59 (UTC+1)

azken eguneratzea: 2023/03/15 08:29 (UTC+1)

Koronabirusaren aurkako txertoen ia 30.000 dosi iritsi dira astelehen honetan Euskadira, horien artean AstraZenecaren lehenak. Hain zuzen ere, AstraZenecaren 9.100 txerto, Pfizerren 16.380 eta Modernaren 4.300 jaso dira.

Pfizerren eta Modernaren txertoekin gertatu ez bezala, AstraZenecarena 18 eta 55 urte arteko pertsonei baino ez diete jarriko, adin tarte horretatik kanpo txertoaren eraginkotasuna ez dagoelako aski frogatuta.

Dena dela, oraingoz ez dago argi zer kolektibotan jarriko dituzten txerto horiek. Dirudienez, koronabirusaren aurkako borrokan lehen lerroan ez dauden osasun langileei jartzea da asmoa, baina Gotzone Sagardui Osasun sailburuak azaldu du oraindik ere Osasun Publikoaren Batzordearen ebazpenaren zain daudela.

Hau zure interesekoa bada, baliteke beste gai hauek ere izatea

Osakidetza Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Koronabirusa Galdakao-Usansolo Ospitalea Industria farmazeutikoa

Ia 30.000 txerto iritsi dira EAEra astelehen honetan, tartean AstraZenecaren lehenak

Esteka kopiatuta