Senideek erresidentzietan bisitak egiteko aukera dute jada Araban eta Gipuzkoan

Momentuz besarkadarik eta kontaktu fisikorik ez, baina behintzat aurrez aurre elkartuko dira.

Nagusiak musukoekin. Argazkia: Efe — Gipuzkoa eta Arabako egoitzetako adinekoek bisitak jasotzeko aukera dute gaurtik hasita

eitb.eus

publikatuta: 2020/06/08 09:03 (UTC+2)

azken eguneratzea: 2020/06/08 09:07 (UTC+2)

Gaurtik aurrera, Gipuzkoako eta Arabako adinekoen egoitzetara bisitak egiteko aukera izango dute familiartekoek.

Konfinamendua hasi zenetik egoitzak itxita izan dira, eta telefonoz edo bideo deien bidez izan dute egoiliarrek harremana senideekin.

Momentuz besarkadarik eta kontaktu fisikorik ezingo dute izan, eta 2 metroko distantzia zaindu beharko dute, baina behintzat aurrez aurre elkartuko dira.

Bisitak hitzorduarekin izango dira, eta gehienez senide bat joan ahalko da, eta segurtasun neurri zorrotzekin. Gainera, egoiliar bakoitzak soilik 5 egunean behin jaso ahalko du bisita, musukoa derrigorrezkoa izango da, bisitariari tenperatura hartuko zaio, eta bisita amaituta, eremua desinfektatu egingo dute.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Hau zure interesekoa bada, baliteke beste gai hauek ere izatea

Gipuzkoa Araba Gaixotasunak albisteak Gizartea Eguneko albisteak Albisteak Osasunari buruzko albisteak Egoitza geriatrikoak COVID kasuak

Senideek erresidentzietan bisitak egiteko aukera dute jada Araban eta Gipuzkoan

Esteka kopiatuta