Abelburu batek pertsona bat hil eta beste bat zauritu du Orion

Abelburu batek pertsona bat hil eta beste bat zauritu du Kukuarri inguruan, Orion (Gipuzkoa), Eusko Jaurlaritzaren Herrizaingo Sailak jakitera eman duenez.

18:00ak baino lehentxeago gertatu da ezbeharra, Igeldotik oso gertu dagoen inguruan, animaliak (Ertzaintzak ez du zehaztu behia edo zezena ote zen) bi gizonak aurrean eraman dituenean.

Gizon bat lekuan bertan hil da kolpearen ondorioz, bertaratu diren larrialdi zerbitzuetako sendagileen arabera.

Beste gizona, ordea, zaurituta dago eta Donostia Ospitalera eraman dute, baina ez omen dago larri.