Ekonomia -
LAN-ISTRIPUA
Langile bat hil da Urizaharreko harrobian
Arratsaldeko lehen orduan izan da ezbeharra, Santutis harrobian. Oraingoz, ez dute jakitera eman istripua nola gertatu den. Asteon lanean ari zela Euskal Herrian hil den hirugarren langilea da.
EITB MEDIA
Langile bat hil da Urizaharreko (Araba) Santutis harrobian gaur, 14:30 inguruan, izan den istripuan.
Abisua jaso ondoren, suhiltzaileak, osasun zerbitzuetako langileak eta ertzainak bertaratu dira, baina iritsi direnerako, langilea hilda zegoen.
Asteon lanean ari zela Euskal Herrian hil den hirugarren langilea da, eta urtea hasi zenetik, zortzigarrena. Atzo, Errenterian zendu zen behargin bat, aldamio batetik erorita; asteazkenean, kamioi gidari bat hil zen Cadreitan; eta astelehenean, langile bat hil zen Arriben, 8 metroko altueratik erorita.