Ekonomia -
Lan istripua
Langile bat hil da Leitzako abeletxe batean, intoxikatuta
Biktimarekin batera, minda hobi batean beharrean ari zen bigarren behargin bat —46 urteko gizonezkoa— ospitalera eraman behar izan dute.
EITB MEDIA
74 urteko gizon bat hil da Leitzako abeletxe batean, intoxikatuta, minda hobi batean lanean ari zela, eta bigarren langile bat —46 urteko gizonezkoa— ospitalera eraman behar izan dute.
Sos Nafarroak 11:36an jaso du abisua, eta mediku talde bat bidali du istripua gertatu den lekura. Bi anbulantzia, suhiltzaileak eta foruzainak bertaratu dira, baina heldu direnerako gizona hilda zegoen.
Gorriztaran auzoan jazo da ezbeharra, abeletxe bateko minda hobi batean barruan.