Ekonomia -

LAN-ISTRIPUA

66 urteko langile bat hil da Erandioko Astilleros Murueta ontziolan izandako lan-istripuan

ELA sindikatuak salatu duenez, 2023an 48 langile hil dira Hego Euskal Herrian izandako lan-istriputan.

Astilleros Murueta ontziola, Erandion. Argazkia: EITB Media
Astilleros Murueta ontziola, Erandion
Astilleros Murueta ontziola, Erandion. Argazkia: EITB Media

EITB MEDIA

Whatsapp Facebook Twitter Telegram Email

66 urteko langile bat hil da gaur arratsaldean Erandioko Astilleros Murueta ontziolan izandako lan-istripuan. Eusko Jaurlaritzako Segurtasun Sailak jakitera eman duenez, 14:00k inguruan izan da ezbeharra. Antza, metalezko xafla baten azpian harrapatuta geratu da langilea, eta tokian bertan zendu da.

Ohar batean, ELA sindikatuak salatu du 2023 urte honetan jada 48 direla lantokietan hil diren langileak Hego Euskal Herrian. Hori salatzeko, mobilizazioak iragarri ditu ELAk datozen egunotarako.

"Lan-kargek, lan-erritmo zorrotzek eta erabiltzen den makineria astun eta arriskutsuak areagotu egiten dute lan-istripuak edo lan-gaixotasunak izateko arriskua, prebentzio neurriak behar bezala hartzen ez badira", ohartarazi du ELAk.

Hau zure interesekoa bada, baliteke beste gai hauek ere izatea
Lan-istripuak Erandio Bizkaia Eusko Langileen Alkartasuna Ekonomia Eguneko albisteak Albisteak Sindikatuak Industriaren azken ordukoak