Ekonomia -
Nafarroa
Langile bat hil da eraikin batetik behera erorita, Burlatan
32 urteko langilea momentuan hil da, Erripagañako eraikin batean lanean ari zela. Osasun zerbitzuek ezin izan dute ezer egin.
agentziak | erredakzioa
32 urteko langile bat hil da gaur, asteazkena, Burlatan, Erripagañan (Nafarroa), eraikitzen ari diren eraikinetik behera erorita, Nafarroako Gobernuak jakitera eman duenez.
Ezbeharra 15:10ean gertatu da. Langilea lekuan bertan hil da, eta osasun zerbitzuek ezin izan dute ezer egin.
Foruzainak eta Burlatako udaltzainak ere ezbeharra gertatu den lekura bertaratu dira.