KPIa % 0,8 igo da EAEn eta % 1,2 Nafarroan maiatzean

Urte arteko inflazio tasa % 2 eta % 2,1 igo da Euskal Autonomia Erkidegoan (EAE) eta Nafarroan, hurrenez hurren, erregaien eta argindarraren garestitzearen ondorioz.

ETBren artxiboko bideo batetik ateratako pantaila irudia.

AGENTZIAK | ERREDAKZIOA

azken eguneratzea: 2018/06/13 10:20 (UTC+2)

Kontsumorako Prezioen Indizea (KPI) % 0,8 igo da Euskal Autonomia Erkidegoan (EAE) eta % 1,2 Nafarroan maiatzean, aurreko hilabeteko datuekin alderatuta, Espainiako Estatistika Institutuak gaur zabaldutako datuen arabera.

Urte arteko inflazio tasak % 2 eta % 2,1 egin du gora Euskal Autonomia Erkidegoan (EAE) eta Nafarroan, hurrenez hurren, erregaia eta argindarra garestitzearen ondorioz.

Urtea hasi zenetik 0,8 puntu igo da KPIa EAEn eta puntu bat Nafarroan.

Datuak lurraldez lurralde aztertuta, Gipuzkoan igo da gehien urte arteko inflazioa (% 2,2), Araban (% 2) eta Bizkaian (% 1,9) baino gehiago egin baitu gora. Apirileko datuekin alderatuta, berriz, Araban igo dira gehien prezioak: % 1,2. Bizkaian % 0,8 garestitu dira, eta Gipuzkoan, berriz, % 0,7.

Hau zure interesekoa bada, baliteke beste gai hauek ere izatea

Gaurko albisteak Nafarroan EAE albisteak KPI gaur Ekonomia albisteak Albisteak Gaur Gaurko azken ordukoa

KPIa % 0,8 igo da EAEn eta % 1,2 Nafarroan maiatzean

Esteka kopiatuta