Gastronomia

Uztegin (Nafarroa) izan gara, Antsonea gaztak nola egiten dituzten gertutik ikuste aldera. Jon Goikoetxea, Maider Agirrebarrena, Pello eta Lorea ezagutu ditugu han eta euren gazten inguruko sekretu guztiak kontatu dizkigute.

Joseba Bergara abeltzaina gonbidatu du Joseba Arguiñanok, astearte honetan, ETB1eko 'Sukalerrian' saiora. Behiei buruz ibili dira berbetan eta limusin behien inguruko xehetasun ugari eman dizkigu; ikus ezazu bideoa!

Josefina sukaldaria izan da ogibidez. Orain, ordea, jubilatuta dago, baina semeari laguntzen dio Zornotzako Saltsa tabernako patata tortilak egiten. 7 kilo patata zuritzen ditu egunero. Hainbeste patata nola zuritu eta moztu erakutsi dio Mikel Pagadiri.

Iruñeko La Escalerica tabernako "champi-mongui lunatico" pintxoak atentzioa eman du Nafarroako Pintxoaren Astean, bere zaporeagatik ez ezik, bere aurkezpen originalagatik ere. Ontzi gisa erabilitako astronauten hainbat irudi lapurtu dituzte egun hauetan.

Estatu mailako sagardo somellier bakarra da Haritz Rodriguez. Pommelier izenaz ezagutzen den titulu hori American Cider Association erakundeak ematen du eta 122 pertsonek dute mundu osoan. Baina, zer egiten du pommelier batek?

Gasteizko Trike Koffee Roasters-eko Ainhoa Oyangurenek kafe deskafeinatuaz hitz egin digu. Kafe mota hau lortzeko bi prozesu daudela azaldu digu, bat kimikoa eta bestea naturala. Horrez gain, hainbat mito gezurtatu ditu. Zeintzuk diren jakin nahi?

Zaporez betetako brownie beganoa prestatu digu Miriam Ortiz chef integratiboak. Ez du glutenik, ez azukrerik, ez laktosarik ezta arrautzarik ere. Nola prestatzen den ikusi nahi?

Mamia Okindegiko Txema Pascualekin egon gara, Gasteizen; izan ere, ogi mota bakoitzak bere forma du, baina zein da arrazoia? Nondik dator ohitura hori? Ikus ezazu bideoa!

Idorreriari aurre egiteko gomendioak eman dizkigu Andrea Larreak, On Ekin nutrizio eta psikologia zentrotik. Jakien zuntzak, hidratazioa, jaten dugun kopurua, ohiturak sortzea edota kirola egitea garrantzitsuak dira komunera ondo joateko. Bestalde, estresak eta egoera emozionalak garrantzia dute.

Gipuzkoako gilda pintxo berritzaileen lehenbiziko saria jaso berri du Hondarribiko Tatapas gastrotekak. Perretxiko tartaleta, olagarroa, gurina, tomatea… hainbat osagai gaineratu dizkiote gildari, itxura eta zapore berritzailea emateko.

Elika Fundazioak ondorioztatu du, Euskadin 244.972 tona elikagai galtzen direla urtean. Etxeetan galtzen da jatekorik gehien (%57). Elika Fundazioa Nekazaritzako Elikagaien Segurtasunerako Euskal Fundazioa da.

Lain musika taldeko baxu jotzailea izan zen Javi Rivero. Bezero bat sartzen den unea kontzertu baten introa jotzearekin alderatzen du. Amak ere musika jartzen zuen kozinatzen zegoela, eta hori zoriontasunarekin lotzen du Javik. Haren omenez jarri zion izena Michelin izarra duen Ama jatetxeari.

Mandarinak oso gozo hartzen dira entsaladetan, eta Joseba Arguiñanok ongi zuritzen irakatsi digu. Hala, mandarina aleak gabi-garbi jango ditugu, inolako azalik ezta pipitarik gabe.

Arrain espezie batzuetan egoten den anisakisak kalte egiten badigu kontuz ibili behar gara. Arraina izozkailuan sartu, ondo frijitu… Badira egin beharreko hainbat pausu, Irungo Felix arraindegiko Lander Yarzabalek azaldu digunez. Antza, ur hotzetan arrantzatutako arrainek ez dute anisakisik izaten.

Trike Koffee Roasterseko Ainhoa Oyargurenek etxean kafetera italiar batekin kafe on bat egiteko gomendioak eman dizkigu.

Arto-irina, ura eta gatza besterik ez dira behar taloa egiteko. Osagaiok hartu eta taloak egiten irakatsi dio Jon Mikel Zubeldia talogileak Joseba Arguiñanori gure sukaldean bertan. Hona hemen jarraitu beharreko pausoak.

Gero eta gehiago dira egun hauetan sukaldean orduak eta orduak pasatzeko prest ez daudenak eta prestatutako platerak aukeratzen dituztenak. Sekulako gorakada bizi duen sektorea da.

Gabon gaueko mahai berezia bat prestatu dute gaurkoan Biba Zuek! Saioan. Herrialde ezberdinetako jaki ezagunak ekarri dituzte. Jaki hauek ezagutu eta dastatu dituzte, Japoniatik Argentinara doazen zapore ezberdinak dastatuz.

Miren Pagola harategiaz gain, Ordiziako Pako Harategia (Olatzagutia), Jesus Mari Urdaitegia (Gernika), Felipe Bengoa (Melida), Carnicas Iriguibel (Huarte), Saijana Harategia (Burlata), Gesalaga (Zarautz) eta Haritz Arteaga (Donostia) ere saritu dituzte.

Lazkaoko Mari Karmen eta Milarekin izan gara, 40 urte daramatzatelako taloak egiten. Gutizia horretarako arto-irina Aramako Ibares errotatik ekartzen dute, egun laugarren belaunaldiaren esku dagoen errotatik.

Aimar Mendezek Arkauteko Elikagaien Campusean egiten du lan. Elika Nekazaritzako elikagaien segurtasunerako fundazioaz aritu da eta elikagaien kontsumo lehenetsiaren eta iraungitze-dataren arteko aldea zein den azaldu digu.

Asier Bastarrika okina da, eta ezkur jakietan aditua ere. Mendian bizi da eta naturak ematen dituen elementuak lantzen ditu. Ezkurrarekin hamaika produktu egiten ditu, horien artean, ezkur kafea.

Donostian izan gara, Gros auzoan dagoen Ethiopia-z jatetxean. Bertan, Mesay Marinezek Etiopiako janariei buruz hitz egin digu, baita horiek nola prestatzen dituzten azaldu ere. Gainera, injera izeneko ogi tradizionala dastatzeko aukera izan dugu.

Gernikan izan gara, Mai-Onan. Maria Agirrerekin bildu gara eta Euskal Herrian ekoizten diren gaztei buruz hitz egin digu. Mota ugariren inguruan, baita horiek kontsumitzeko moduen inguruan ere.

17 urterekin hasi eta 52 urtez aritu da Hilario Arbelaitz Zuberoako sukaldeko suen artean. 2022ko abenduaren 31n erretiroa hartu zuen eta horrek zer ekarri dion kontatu digu.

Duela 2 urte ireki zen Gose Smash Burgers, Bilbon. Edurne Eibarrek eta Maria Martinezek Lotus gailetarekin egiten den hanburgesa erakutsi digute, bertako izarretako bat. 13 hanburgesa dituzte eta hilabetero bat sortzen dute.

Luis Angel Perez eta Haizea Soubiesen eskutik ezagutu dugu 144 jatetxea, Gasteizen. Aurten ireki da jatetxea eta plater eta koktelen arteko konbinaketak egiten dituzte. 144 konbinaketa lortu daitezke. Koktelen artean, Central Park da gehien eskatzen dena.

Ainhoa Oyangurenek espezialitateko kafe ezberdinak erakutsi dizkigu Gasteizko Trike Koffee Roasters dendan. Espezialitateko kafeen kontsumoa geroz eta handiagoa da Europan. Espezialitateko kafe ezberdinak daude zapore, jatorri eta klimaren arabera.

1996an ireki zen Izarra gozotegia Santurtzin, eta 2003an hartu zuen agintea Alberto Penasek. Ogia eta gozoak egiten dituzte, denak artisau-lanak, eta almendrazko croissantak dira gehien saltzen direnak. Nola egiten dituzten ikusiko dugu gaur.

Zumaiako anaiek esnekiak egiten dituzte euren behien esnearekin. Hasiera batean, esnea soilik saltzen zuten etxez etxe, baina 2021etik jogurtak eta gazta freskoa ere egiten dituzte. Eurek egindako janariarekin elikatzen dituzte behiak, eta ahalik eta modu ekologikoenean egiten dute lan.

Arabako Errioxako upategian 6 ardo mota egiten dituzte. Amarehuna izeneko ardoa da bereziena, mahats zaharrenekin egiten da eta prozesu osoa eskuz egiten dute. Ardoak Euskal Herrian saltzen dituzte baina batzuk Madrilera edo Bartzelonara bidaltzen dituzte.

Esti Besa eta Julen Gorroñok erakutsi digute Candido Besa upategia. Birraitonaren tradizioari jarraituz lantzen dituzte mahastiak. Teknologia berriak erabiltzen dituzten arren, lana eskuz eta modu tradizionalean egiten dute.

Torres gerrako korrespontsala izan zen sukaldari baino lehen, eta ia Hogeita hamar urte daramatza pobrezia gorrian bizi diren familiei laguntzen. Hogeita bost urtean izan da Global Humanitarioarekin (1999), Asia, Afrika eta Latinoamerikako hamar bat herrialdetan proiektuak garatzen dituen GKEarekin.

'Naiades' izeneko pintxoa da Euskal Herriko pintxorik onena eta Kanboko Terrae jatetxeko sukaldariek egiten dute. Hala iritzi diote Hondarribin egin den txapelketan.

Miriam Ortizen eskutik Tolosako babarrunak ohiko moduaz haratago zelan kozinatu ikusi ditugu. Falafel, hummus eta entsaladan jan daitezke. Gainera, errezetak laktosarik eta glutenik gabekoak dira.

13 urterekin irabazi zuen bere lehen saria Jon Peli Hormaetxek. Hogeita hamabost txapel irabazi ditu dagoeneko Bizkaiko hamaika txapelketatan. Semearekin edo emaztearekin joaten da txapelketetara.