Emmanuel Macron

Segurtasuna, mugikortasuna, Sena ibaiko ur kalitatea eta paristarren apatia erronka handiak dira oraindik, Joko Olinpikoak hasteko 100 egun falta direla. Jokoen antolaketaren buruak hiriburuaren segurtasun perimetroan konfiantza osoa adierazi du.

2019ko apirilaren 14an, sute handi batek kiskali egin zuen. Erdiko orratza eta teilatuaren bi heren erre ziren. 150 herrialde baino gehiagotan, 1.000 milioi dolar bildu zituzten katedrala berreraikitzeko lanetarako. Abenduaren 8an berriro irekitzeko asmoa du Frantziako Gobernuak.

Gaur goizean inauguratu dute Parisko Olinpiar Jokoetako kirolariak hartuko dituen hiria, eta Emmanuel Macron Frantziako presidenteak hartu du parte ekitaldian.

Parisko nekazaritza azoka batean sartzen saiatu dira nekazari taldeak, Poliziak eragotzi egin die, eta liskarrak sortu dira. Han zen Emanuel Macron presidentea, eta liskar giroa baretu denean, nekazarien ordezkariekin hitz egiten aritu da: indarkeria baztertzeko eskatu die nekazariei.          

Immigrazio eta Asilo Legea bertan behera uztea eskatzera atera dira kalera, "lege arrazista, xenofoboa eta muturrekoa" dela iritzita. Elkarte eta herritar askoren ustez, migranteen eskubideak zapaldu eta kanporatzea erraztuko du, eta haien bizi baldintzetan izango duen eraginaren beldur dira.

Frantziako Asanblea Nazionalak immigrazioari buruzko lege polemiko eta murriztailea onartu du, ultraeskuindarren botoekin. Bozketa honek Emmanuel Macronen Gobernuan krisi politikoa eragin du.

India da aurten uztailaren 14ko Frantziako festa nazionalaren desfile militarreko herrialde gonbidatua. Indiako hiru borroka-hegazkin eta 240 militar inguru ari dira desfilatzen Parisen, 6.000 soldadu frantziar baino gehiagorekin batera.

Polizia dispositibo zabalak lortu du Frantzian istiluak zerbait baretzea. Dena dela, 700 lagun inguru atxilotu ditu bart Poliziak.

Frantziako iparraldeko alkate batek pairatutako erasoa izan da bortitzena: sutan zegoen auto batek haren etxearen aurka talka egin du, etxebizitza barruan familia osoa zuela. Poliziak hildako Nahel gaztea atzo lurperatu zuten.

Laugarren gauez istilu larriak izan dira Frantziako hiri nagusienetan: mila atxilotu inguru izan dira. Poliziak hildako Nahel gaztea gaur hilobiratu dute familiaren intimitatean.