Fernando Perezek Azkuna Zentroko zuzendaritza utzi du

Azkuna Zentroko, Bilboko Gizarte eta Kultura Garaikidearen Zentroko, zuzendari Fernando Perezek bere karguari borondatez uko egin dio gaur, eta hala jakinarazi dio Bilboko alkate Juan Mari Aburtori.

Fernando Perez 2018ko maiatzaren 2an iritsi zen Azkuna Zentroko zuzendaritzara, eta, sei urte eta zazpi hilabete eman ditu karguan. "Azkuna Zentroa nazioarteko erreferentziazko gune bihurtzeko konpromisoa bete du buru-belarri, zorroztasunez, gardentasunez eta kudeaketaren kalitatez", kultura zentroak nabarmendu duenez, eta Bilboko Udalak, eta bereziki alkateak, "egindako lana eta ahalegina" eskertu diote.

Denbora tarte horretan, Azkuna Zentroa "hirira irekitako Gizarte eta Kultura Garaikideko Zentro bihurtu da, non garaikidea egunero bizi eta gozatzen da".

Bestalde, Fernando Perezek eskerrak eman dizkio Bilboko Udalari, "testuinguru artistikoari lotutako" proiektu "hain garrantzitsu" baten buru izan delako.

Era berean, "oso harro" agertu da "programazioaren kalitateari eta sorkuntza artistikoaren sustapenari dagokionez puntakoa eta erreferentziazkoa den zentro bat" uzteagatik, eta proiektu horri "ahalik eta arrakasta handiena" opa dio.