ETSk kontzertu hirukoitzeko detaile guztiak xehetu ditu

Gero eta gertuago dago ETS (En Tol Sarmiento) taldeak BECen martxoaren 15, 21 eta 22rako antolatu duen jaia, eta taldeak agerraldia egin du Bilbon 45.000 pertsona bilduko dituen hitzordu hirukoitzari buruzko detaileak zehazteko.

Besteak beste, agertokian hainbat musikari eta dantzarik lagunduko dietela aurreratu dute taldekideek prentsaurrekoan. Halako batean, 40 pertsona ere batuko dira oholtzan.

Hiru gaualdietarako sarrera guztiak salduta daude, baina txartelik gabe gelditu direnek EITBren bidez jarraitu ahalko dute martxoaren 22ko kontzertua, EiTBko irratien, eitb.eus-en eta Primeranen.

Unitate Mugikorrak 18 kameraren seinalearekin lan egingo du, 4K formatuan, eta aurreko egunetan ETSren ibilbidea errepasatuko da EiTBren hedabideetan.

Ordutegiak

2025eko martxoaren 15a, larunbata SARRERAK AGORTUTA

18:00 Ateak irekitzea
18:15 Andoni Ollokiegi
19:15 Gozategi
21:00 ETS

2025eko martxoaren 21a, ostirala SARRERAK AGORTUTA
18:00 Ateak irekitzea
18:15 Andoni Ollokiegi
19:15 Gozategi
21:00 ETS

2025eko martxoaren 22a, larunbata SARRERAK AGORTUTA
2. pabilioia – Sarrera hau duen publikoarentzat bakarrik Eguneko jarduerak
BBK Herriko Plaza:
12:30 BBK Herriko Plazako ate irekiera
12:40 DJ Bull
13:30 Txupinazoa (Miren Nogales & Antton Telleria)
13:45 Puro Relajo
14:45 Herri kirolak: Aizkolariak (Mikel Larrañaga & Julen Alberdi "Txikia IV")
15:05 DJ Bull
15:30 Herri kirolak:Harrijasotzailea (Urdax)
15:50 DJ Bull
16:20 Herri kirolak: Aizkolariak (Karmele Gisasola & Oihana Fernandez)
16:40 Dantzaldia: Joselu Anaiak
18:30 HERRIKO JAIAK amaiera

Egunean zehar haurrentzako jolasak, puzgarriak, kaleko musika, janari postuak... egongo dira.

Bizkaia Arena

18:30 Ateak irekitzea

18:30 Andoni Ollokiegi

19:45 Gozategi

21:30 ETS

BBK Herriko Plaza

Martxoaren 22an, adin tarte guztietako publikoarentzat pentsatutako egitaraua izango da BECeko 2. pabilioian, goizetik hasi eta iluntzera arte. Miren Nogales eta Antton Telleriak botako dute txupina, eta herri kirolak, haurrentzako jarduerak eta kalejirak izango dira, egun osoan zehar.

Gainera, Puro Relajoren musika mexikarra, Joselu Anaiak taldearen erromeria eta DJ Bullen musika aukeraketaz gozatzeko aukera izango da. Martxoaren 22ko sarrera erosi dutenek soilik izango dute sarbidea BBK Herriko Plazara.