PP eta Ciudadanos koalizioan aurkeztuko dira Legebiltzarreko hauteskundeetara

Alderdi Popularra eta Ciudadanos koalizioan aurkeztuko dira Euskal Autonomia Erkidegoko hauteskundeetara apirilaren 5ean.

Hala zabaldu du EFE agentziak bi alderdietako iturriak aipatuta. Asteazken honetan egingo dituzte publiko akordioaren xehetasunak, baina dagoeneko baieztatu dute Alfonso Alonso izango dela hautagaitza horren lehendakarigaia.

PP eta Ciudadanoseko buruzagiak negoziatzen eman dituzten azken egunak, eta aurre-akordioa arratsalde honetan itxi dute.

Tedoro Garcia Egea PPko idazkari nagusiak eta Jose Maria Espejo Ciudadanosen talde parlamentarioko idazkari nagusiak hartu du parte bilera horretan.

Koalizioak aurkezteko epea ostiral honetan amaitzen da.